2013 он 8-р сарын 17 Бямба,
Онгироо.МН
Эхлэл » УИХ » Ж.Энхбаяр Зэвсэгт хүчинд ардчилсан хяналт тавих Женевийн төвийн дэд захирал Филипп Флюриг хүлээн авч уулзав

Ж.Энхбаяр Зэвсэгт хүчинд ардчилсан хяналт тавих Женевийн төвийн дэд захирал Филипп Флюриг хүлээн авч уулзав

Нийтлэлийн төрөл: УИХ

Монгол Улсын Их Хурлын гишүүн, УИХ-ын Аюулгүй байдал, гадаад бодлогын байнгын хорооны дарга Ж.Энхбаяр, Улсын Их Хурлын гишүүн Д.Цогтбаатар нар  өнөөдөр /2017.01.30/  Зэвсэгт хүчинд ардчилсан хяналт тавих Женевийн төвийн дэд захирал Филипп Флюриг хүлээн авч уулзлаа.

Уулзалтын эхэнд Байнгын хорооны дарга Ж.Энхбаяр дахин уулзаж буйдаа баяртай байгаагаа илэрхийлээд Монгол Улсын батлан хамгаалах болон гадаад бодлого ямар улс төрийн хүчин эрх барьж буйгаас үл хамааран залгамж чанараа хадгалан, нэгдмэл байж чаддаг хэмээн онцлов. Мөн өмнөх парламентын үед Монгол Улсын үндэсний аюулгүй байдлын үзэл баримтлалаа баталсан бөгөөд үүнтэй уялдаатайгаар шинэ парламент гадаад бодлого, аюулгүй байдал, батлан хамгаалах салбарын хууль, эрх зүйн орчинг шинэчилж, дуусах шатандаа явж байгааг тэмдэглэлээ.

Зэвсэгт хүчинд ардчилсан хяналт тавих Женевийн төвийн дэд захирал Филипп Флюри цаг гарган уулзсанд нь Байнгын хорооны даргад талархал илэрхийлээд тус байгууллага Монгол Улстай олон жилийн найрсаг, үр дүнтэй хамтын ажиллагаатай явж ирснийг дурдав.

Уулзалтын үеэр талууд цаашдын хамтын ажиллагааны чиглэл болон бүс нутгийн нөхцөл байдал, цаг үеийн бусад асуудлаар ярилцаж, санал солилцлоо гэж Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв. 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.