2013 он 8-р сарын 17 Бямба,
Онгироо.МН
Эхлэл » Онцлох мэдээ » ДЭД САЙД Б.ЦОГТГЭРЭЛ ЛИ ПЭНИЙ ХҮҮТЭЙ УУЛЗЖЭЭ


ДЭД САЙД Б.ЦОГТГЭРЭЛ ЛИ ПЭНИЙ ХҮҮТЭЙ УУЛЗЖЭЭ

Нийтлэлийн төрөл: Онцлох мэдээ, Улс төрч

МАН сөрөг хүчин байхад шилэн дансаар мэргэшиж, сайд, дарга нарын чихийг халууцуулж явсан Б.Цогтгэрэл цахим ертөнцөд “Шилэн Цогоо” гэдэг нэртэй болсон. Тэрбээр өдгөө Зам, тээврийн хөгжлийн дэд сайдаар ажиллаж байгаа. Дэд сайд Б.Цогтгэрэл НҮБ-аас Туркмен улсад зохион байгуулсан “Тогтвортой тээвэр” сэдэвт олон улсын хуралд оролцох үедээ орон орны сонирхолтой эрхмүүдтэй нүүр тулан уулзаж гар барьснаа цахим ертөнцийнхөнтэй хуваалцлаа. НҮБ-ын Ерөнхий нарийн бичгийн дарга Бан Ги Мүнтэй уулзах үеэр хоёр эрхэм өөр хоорондоо мэхийн ёсолж мэндчилснийг зарим хүн “Дэд сайд Цогоо Бан ахаа бөхийлгөжээ” хэмээн хошигносон бол Хятадын Төрийн зөвлөлийн Ерөнхий сайд асан Ли Пэний хүү Ли Сяопинтэй хамт патиараа татуулсан нь ч олны анхаарлыг татав. Хятадын нэртэй удирдагчдын нэг Ли Пэний том хүү Ли Сяопэн эрчим хүчний “Huaneng” корпорацийн ерөнхийлөгч, Шаньси мужийн амбан захирагчаар ажиллаж байгаад улс орныхоо тээврийг хариуцсан сайдаар томилогдоод байгаа юм байна. Тэрбээр хоёр дүүтэй бөгөөд охин дүү Ли Сяолинь нь Хятадын Эрчим хүчний хөрөнгө оруулалтын корпорацийг удирддаг. Харин бага дүү Ли Сяоюн нь цагдаагийн албанд ажиллаж байсан ч өдгөө Сингапурт аж төрдөг юм байна.

 

Ж.Хонгорзул   

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.