2013 он 8-р сарын 17 Бямба,
Онгироо.МН
Эхлэл » Улс төр » ЧИНГЭЛТЭЙ, СОНГИНОХАЙРХАН ДҮҮРГИЙН ЗАСАГ ДАРГА НАР ТАМГАА ХҮЛЭЭН АВЛАА

ЧИНГЭЛТЭЙ, СОНГИНОХАЙРХАН ДҮҮРГИЙН ЗАСАГ ДАРГА НАР ТАМГАА ХҮЛЭЭН АВЛАА

Нийтлэлийн төрөл: Улс төр, Онцлох мэдээ

ЧИНГЭЛТЭЙ, СОНГИНОХАЙРХАН ДҮҮРГИЙН ЗАСАГ ДАРГА НАР ТАМГАА ХҮЛЭЭН АВЛАА

Нийслэлийн Засаг даргын захирамжаар Нийслэлийн Засаг даргын Тамгын газрын дарга М.Отгонбаяр, Санхүү төрийн сангийн хэлтсийн дарга Э.Ганхүү нар өнөөдөр батламжаа гардсан Сонгинохайрхан, Чингэлтэй дүүргийн Засаг дарга нарын ажлыг хүлээлгэн өглөө.  

Шинэ Засаг дарга нарын ажлыг хүлээлгэн өгөх үеэр Нийслэлийн Засаг даргын Тамгын газрын дарга М.Отгонбаяр “Орон нутгийн сонгуулийн үр дүнгээр байгуулагдсан ИТХ-аас дүүргийн Засаг даргад нэр дэвшин дэмжигдэж өнөөдөр батламжаа гардсан танд ажлын амжилт хүсье. Дүүргийн Засаг дарга гэдэг бол төрийг төлөөлж дүүргийн нутаг дэвсгэрийн хэмжээнд Монгол Улсын хууль тогтоомж, нийслэлийн Засаг даргын үйл ажиллагааны үндсэн чиглэлийг хэрэгжүүлэн ажиллах хариуцлагатай үүрэг хүлээж байгаа. Бүрэн эрхийнхээ хугацаанд дүүргийнхээ ард иргэдийн сайн сайхны төлөө мөн дүүргийнхээ хөгжил дэвшлийн төлөө сайн ажиллахыг хүсье” хэмээлээ.

Чингэлтэй дүүргийн Засаг дарга Ж.Эрдэнэбат тамга тэмдгээ хүлээн авсныхаа дараа “Дүүргийнхээ иргэдийн өмнө тулгамдсан асуудлуудыг шийдвэрлэх, ялангуяа нийгмийн суурь үйлчилгээний чанар хүртээмжийг сайжруулж иргэдэд хүргэх, ядуурал ажилгүйдлийг бууруулан ажлын байр нэмэгдүүлэхийн төлөө ажиллах маш хариуцлагатай жилүүд эхэллээ гэж үзэж байна. Сүүлийн жилүүдэд Чингэлтэй дүүрэгт маань нийгмийн чиглэлийн салбар боловсрол, эрүүл мэндийг дэмжсэн, хүний хөгжлийг хангахад чиглэсэн болон хот, дүүргийн тохижилт руу чиглэсэн олон бодлого хөтөлбөр хэрэгжиж ирсэн. Энэ бүхнийг миний бие үргэлжлүүлэн ажиллах болно” гэж хэлсэн юм.

Сонгинохайрхан дүүргийн Засаг дарга Ж.Сандагсүрэн “Манай дүүрэгт хийх ажил маш их байна. Бид хийж чадах бүхий л зүйлээ бүрэн эрхийнхээ хугацаанд хийж хэрэгжүүлж ажиллах болно. Засгийн газрын мөрийн хөтөлбөр, Нийслэлийн Засаг даргын мөрийн хөтөлбөрийг дүүрэг, хороо болон анхан шатны нэгж бүрт хүргэн ажиллаж ард иргэдийнхээ сайн сайхны төлөө ажиллах ёстой” хэмээн ажлаа хүлээн авах үеэрээ онцлон тэмдэглэлээ гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.