2013 он 8-р сарын 17 Бямба,
Онгироо.МН
Эхлэл » Нийслэл » Залуучуудын бие бялдар сайжирч, цэрэгт явах хүсэлтэй залуус олширжээ

Залуучуудын бие бялдар сайжирч, цэрэгт явах хүсэлтэй залуус олширжээ

Нийтлэлийн төрөл: Нийслэл, Онцлох мэдээ

Нийслэлийн Засаг даргын захирамжаар 2016 оны 2 дугаар ээлжийн цэрэг татлага 10 дугаар сарын 21, 22-ны өдрүүдэд явагдаж байна. Нийслэлийн Засаг дарга бөгөөд Улаанбаатар хотын захирагч С.Батболд өнөөдөр цэрэг татлагын явцтай танилцлаа. Чингэлтэй дүүргийн хувьд цэрэг татлагын үйл явц хэвийн үргэлжилж байгаагаас гадна цэрэгт явах хүсэлтэй залуусын тоо ч нэмэгдсэнийг хэлсэн юм. Хотын дарга энэ үеэр “Эмч нартай уулзаж байхад залуус эрүүл мэндийн шалтгаанаар хасагдах тохиолдол багассан байна. Цэргийн насны залуусын эрүүл мэндийн байдал дээшилсэн нь ажиглагдлаа. Чингэлтэй дүүргийн хувьд татагдан ирж байгаа бүх хүүхдээ эрүүл мэндийн урьдчилан сэргийлэх үйл ажиллагаанд хамруулдаг юм байна. Өнгөрсөн онд эрүүл мэндийн шалтгаанаар хасагдсан хүүхдүүдээ бүтэн жилийн турш дүүргийн эрүүл мэндийн нэгдэл болон өрхийн эмнэлгүүд анхаарч ажилладаг. Хоёрдугаарт, залуучуудын бие бялдар сайжирч, цэрэгт явах хүсэлтэй залуус ч олширсон байна.” гэлээ.

Нийслэлийн цэргийн штабын дарга, хурандаа Ж.Болдбаатар “Энэ удаагийн цэрэг татлага шинэ хуулиар явагдаж байгаагаараа онцлог. Батлан хамгаалах болон бусад хуульд 26 нас хүрээд цэргийн алба хаагаагүй иргэн дүйцүүлэх албыг мөнгөн төлбөрийн хэлбэрээр хаадаг. Энэ үйл ажиллагааг шинэ хуулиар зохицуулж өгсөн. Өнөөдрийн байдлаар нийслэлийн хэмжээнд цэргийн дүйцүүлэх алба хаасан 1124 иргэн 591,3 сая төгрөгийн төлбөр төлж, төрийн санд төвлөрүүлээд байна.” гэсэн юм. Чингэлтэй дүүргийн цэргийн штабынхан цэрэгт татагдаж байгаа залуусыг хүссэн ангидаа хувиарлагдах боломж олгоход анхаарч ажиллаж байгаагаа хотын даргад танилцууллаа 
АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.