2013 он 8-р сарын 17 Бямба,
Онгироо.МН
Эхлэл » УИХ » УИХ-ын дарга М.Энхболд мэндчилгээ дэвшүүлэв

УИХ-ын дарга М.Энхболд мэндчилгээ дэвшүүлэв

Нийтлэлийн төрөл: УИХ

/Монгол Улсад Нийтийн аж ахуйн салбар үүсч хөгжсөний 85 жилийн ойн арга хэмжээнд оролцогчдод/

Монгол Улсад Нийтийн аж ахуйн салбар үүсч хөгжсөний 85 жилийн ойн баярыг тохиолдуулан энэ салбарт мөр зэрэгцэн ажиллаж байсан хамт олон, үе үеийн ахмад буурлууд, нийт ажилтан, ажиллагсад Та бүхэнд Улсын Их Хурлын нэрийн өмнөөс болон хувиасаа чин сэтгэлийн халуун мэндчилгээ дэвшүүлье.

Миний бие ажил хөдөлмөрийн гараагаа Нийтийн аж ахуйн үйлчилгээний салбараас эхэлж байсны хувьд ард иргэдийн ая тухтай ажиллаж амьдрах орчин нөхцлийг бүрдүүлэх эрхэм хариуцлагатай үүрэг хүлээдэг энэ салбар миний сэтгэлд дотно, хүндтэй байр суурь эзэлдэг төдийгүй амьдралд минь олон сайхан дурсамж үлдээсэн байдаг.

Нийтийн аж ахуйн салбарын хөгжлийг орчин үеийн шинэ шатанд гаргахад онцгой үүрэг гүйцэтгэж буй салбарын ажилтан ажиллагсад, инженер, техникийн ажилтнууд Та бүхний ажиллах, хөдөлмөрлөх эрх зүйн таатай орчныг бүрдүүлэхэд үе үеийн Улсын Их Хурал анхаарал хандуулж ирсэн билээ.

Хүн амыг орон сууцжуулах таатай нөхцлийг бүрдүүлэх, эрүүл ахуйн шаардлагад нийцсэн ундны болон ахуйн баталгаат усаар хангах, хэрэглээнээс гарсан бохир усыг цэвэршүүлэн, эргүүлэн ашиглах, байгаль экологийн тэнцвэртэй байдлыг хадгалах нь төр, засгийн тулгуур бодлого, үндэсний аюулгүй байдал, нийгэм, эдийн засгийн хөгжлийн тогтвортой өсөлтийг хангахад онцгой үүрэгтэй чухал асуудлуудын нэг байсаар байх болно.

Энэ салбарын хууль, эрх зүйн орчныг боловсронгуй болгох, салбарын хөгжлийг дэмжихэд чиглэсэн бодлогыг батлуулах, тулгамдсан асуудлуудыг шийдвэрлүүлэх тал дээр Улсын Их Хурлаас цаашид ч анхаарч ажиллана гэдэгт Та бүхэн итгэлтэй байж болно.

Цаашид нийтийн аж ахуйн салбарт шинэ дэвшилтэт техник, технологийг өргөн нэвтрүүлэх, гэр хорооллын иргэдийн амьдрах таатай орчинг бvрдүүлэх, салбарын ажиллагсдын мэргэжил, ур чадварыг дээшлүүлэн сургаж бэлтгэхэд шинэчлэлт хийж, ажил үйлчилгээнийхээ чанарт онцгой өөрчлөлт гарган ажиллахыг Та бүхнээс хүсье.

Улс орны нийгэм эдийн засгийн хөгжлийн хурдацыг хангах бүтээн байгуулалтыг өрнүүлэхэд хувь нэмрээ оруулж байгаа нийтийн аж ахуйн салбарын ажилтнууд Та бүхэндээ халуун баяр хүргэж, эрүүл энх сайн сайхан бүхнийг хүсэн ерөөе.

Сайн үйлс дэлгэрэх болтугай.

МОНГОЛ УЛСЫН ИХ ХУРЛЫН ДАРГА МИЕЭГОМБЫН ЭНХБОЛД

Улаанбаатар хот

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.