2013 он 8-р сарын 17 Бямба,
Онгироо.МН
Эхлэл » Эдийн засаг » Зам, тээврийн хөгжлийн сайд орон нутагт ажиллаж байна

Зам, тээврийн хөгжлийн сайд орон нутагт ажиллаж байна

Нийтлэлийн төрөл: Эдийн засаг, Онцлох мэдээ

 

        Зам, тээврийн хөгжлийн сайд Д.Ганбат орон нутагт ажиллаж байна. Тэрээр өнөөдөр Дундговь аймагт ажиллаж, аймгийн удирдлагууд болон иргэд хөдөлмөрчидтэй уулзан санал солилцлоо. Энэ үеэр Засгийн газрын үйл ажиллагааны мөрийн хөтөлбөрт туссан зам, тээврийн салбарыг хэрэгжүүлэх арга хэмжээний төлөвлөгөөг танилцуулж, цаашид баримтлах бодлого, зорилтын талаар мэдээлэл өгсөн юм.

 

 

Салбарын сайд иргэдтэй уулзах үеэр Монгол Улсын Засгийн газрын 2016-2020 оны үйл ажиллагааны хөтөлбөрт Зам, тээврийн хөгжлийн яамны хариуцах чиг үүргийн хүрээнд “Эдийн засгийн өсөлтийг дэмжсэн, нийгмийн хэрэгцээ шаардлагад нийцсэн аюулгүй, ая тухтай үйлчилгээ үзүүлэх зам, тээвэр, логистикийн сүлжээг өргөжүүлэн хөгжүүлэх” зорилтод уялдуулан Засгийн газрын 2016-2020 оны үйл ажиллагааны хөтөлбөрийн Эдийн засгийн тогтвортой өсөлтийг хангах бодлого гэсэн 16 зорилт, арга хэмжээг хэрэгжүүлэхээр тусгасан талаар онцлов. Дундговь аймгийн удирдлагууд тулгамдаад байгаа, шийдвэрлэх шаардлагатай асуудлуудаа сайдад танилцуулж, шийдвэрлүүлэх саналаа албан бичгээр гардуулан өглөө. Түүнчлэн салбарын сайд цаашид автозамын салбарт хийх ажлуудын талаар мэдээлэл өгсөн байна.

 

 

Түүний мэдээлснээр олон улс, улсын чанартай авто замын сүлжээнд эзлэх хатуу хучилттай авто замын урт өнгөрсөн оны байдлаар 44.7 хувьд хүрсэн бөгөөд өнөөдрийн байдлаар Төв, Архангай, Өвөрхангай, Булган, Хөвсгөл, Орхон, Сэлэнгэ, Дархан-Уул, Дорноговь, Баянхонгор зэрэг 15 аймаг нийслэл хоттой хатуу хучилттай авто замаар холбогдоод байгаа аж. Харин цаашид олон улсын болон улсын чанартай авто замын сүлжээн дэх хатуу хучилттай авто замын сүлжээг өргөтгөж, бүх аймгийн төвийг нийслэл хоттой авто замаар холбож дуусгах, Мянганы замын хэвтээ тэнхлэгийн хэсгийг үргэлжлүүлэх ажлыг хийхээр төлөвлөж байгаа гэлээ. Мөн Улаанбаатар хотын хөгжлийн ерөнхий төлөвлөгөөтэй уялдуулан авто замын сүлжээг сайжруулах зорилгоор Баянзүрх, Яармаг, Сонсголонгийн гүүр болон Улаанбаатар-Налайх чиглэлийн авто замыг шинээр барина гэдгийг хэлсэн юм.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.