2013 он 8-р сарын 17 Бямба,
Онгироо.МН
Эхлэл » Нийгэм » Хүүхдээ багшид нь хүлээлгэж өгөөгүй ээжид хариуцлага тооцохоор болжээ

Хүүхдээ багшид нь хүлээлгэж өгөөгүй ээжид хариуцлага тооцохоор болжээ

Нийтлэлийн төрөл: Нийгэм

Image result for сургуулийн эргүүл

Хичээлийн шинэ жил эхэлж нийслэл хотод иргэдийн хөл хөдөлгөөн нэмэгдсэнтэй холбоотойгоор зам тээврийн осол олноор бүртгэгдэх болсон. Дээрх зам тээврийн осолд сургуулийн насны хүүхдүүд өртөх явдал нэмэгдэх хандлагатай байгааг Замын цагдаагийн газраас мэдээллэж байна.

Хичээлийн шинэ жилийн эхний өдөр л гэхэд сургуулийн насны найман хүүхэд зам тээврийн осолд өртсөнөөс хоёр нь асран хамгаалагчгүйгээр хичээлээ тараад гэртээ харьж явсан байдаг. Хичээлийн шинэ жилийн эхний долоо хоногийн хугацаанд хүүхэд холбогдсон 17 осол гарчээ. Өөрөөр хэлбэл, хоногт 3-8 хүүхэд зам тээврийн осолд ямар нэг хэлбэрээр өртөж байгаа юм. Осолд өртсөн хүүхдүүдийг насаар нь ангилвал, сургуулийн өмнөх насны 4, сургуулийн насны 13 хүүхэд байгаа ба тэд бүгд явганаар замын хөдөлгөөнд оролцож байхдаа осолд өртөж гэмтжээ.

Хүүхдүүдийн осолд өртөж байгаа шалтгааныг албаны хүн тайлбарлахдаа, эцэг эх хүүхдээ асран хамгаалах үүргээ биелүүлээгүй, багш нар хүүхдийг эцэг эхэд нь хүлээлгэж өгөөгүй, эцэг эх нь хүүхдээ зам гарахдаа хөтөлж яваагүй, өсвөр насны хүүхдүүд замын хөдөлгөөнд оролцож байхдаа гар утас, чихэвч хэрэглэж байхдаа орчны эрсдэл аюулыг бодитоор үнэлж чаддаггүйгээс үүдэн осолд өртөж байна гэсэн юм.

Монгол улсын Замын хөдөлгөөний аюулгүй байдлын тухай хуулийн 13.2.7 дахь хэсэгт зааснаар эцэг эх, асран хамгаалагч, бүх шатны боловсролын байгууллагын албан тушаалтан 10 хүртэлх насны хүүхдийг харгалзах хүнгүйгээр замын хөдөлгөөнд оролцуулахгүй байх үүрэгтэй хэмээн заасан байдаг. Тиймээс дээрх гэмтэж бэртсэн хүүхдүүдийг асран хамгаалах үүргээ биелүүлээгүй эцэг эх асран хамгаалагч нарт хариуцлага тооцож эхэлжээ.

Тухайлбал, есдүгээр сарын 1-ний өдөр 7, 8, 9 настай гурван хүүхэд хичээлээ тараад, харих замдаа осолд өртсөний хоёр нь ангийн багш хүүхдийг асран хамгаалагчид нь хүлээлгэж өгөөгүйн улмаас хүүхэд осолд өртөж гэмтсэн болохыг Замын цагдаагийн газраас тогтоожээ. Улмаар тухайн хоёр багшид хуулийн дагуу хариуцлага тооцож, хөдөлмөрийн хөлсний доод хэмжээтэй тэнцэх мөнгөн дүнгээр торгосон бөгөөд хүүхдээ зам гаргаж өгөөд багшид хүлээлгэж өгөөгүй ээжид мөн хариуцлага тооцохоор болсон байна. Түүнчлэн энэ сарын 7-ны өдөр 10 настай хүүхдэд 7 настай дүүг нь хариуцуулж хичээлд нь явуулснаар хоёр хүүхэд осолд өртсөн хэргийг шалгаж эхэлжээ.

Иймд эцэг эхчүүд хуульд заасан үүргээ биелүүлж хүүхдээ хүргэж өгч авч байх, багш нар хүүхдийг эцэг эхэд хүлээлгэн өгөх, ганцхан эцэг эхчүүд гэлтгүй хүүхдийн төлөө үйл ажиллагаа явуулдаг байгууллагуудын үүрэг оролцоо маш чухал байгааг Замын цагдаагийн газраас онцолж байна.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.