2013 он 8-р сарын 17 Бямба,
Онгироо.МН
Эхлэл » Засгийн газар » Ч.Сайханбилэг ХУЛГАЙ хийж байна

Ч.Сайханбилэг ХУЛГАЙ хийж байна

Нийтлэлийн төрөл: Засгийн газар, Онцлох мэдээ

Ч.Сайханбилэг ХУЛГАЙ хийж байна

 

Монголын төрд “чоно борооноор” гэдэг л болоод байна. Учир нь төр барьж байгаа Ардчилсан нам гишүүд багаараа хөдөөг зорьж (Хэнтий аймаг) намынхаа Зүүн бүсийн чуулга уулзалтыг хийж эзгүй байх хойгуур нь Ч.Сайханбилэг ерөнхий сайд нь “Монголын төмөр зам” (МТЗ) компанийг Эрдэнэс Монгол компанийн харьялалд оруулах шийдвэр гаргажээ. Харин Ч.Сайханбилэгийн энэхүү хулгай нь баригдсан ч тэрээр хууль дүрмийг судлаж ирэх даваа гаригт хуралдах Засгийн газрын хуралдаанаар оруулж ирэхийг үүрэг болгосон байна. Ингэхээр түүний энэ үйдэл дээрэм болж байгаа юм.

 

МТЗ-ыг Эрдэнэс Монголд шилжүүлэхээр дээрэм хийж байгаа нь нөгөө л Тавантолгойн төсөлтэй холбоотой. Учир нь Тавантолгойгоос Гашуун сухайт чиглэлийн төмөр замын тусгай зөвшөөрөл зөвхөн МТЗ-д байдаг. Тэгэхээр Дубайн гэрээг гар нийлж үзэглэсэн Б.Бямбасайханы (Эрдэнэс Монгол компанийн захирал) удирдлаганд дор МТЗ-ыг оруулж байгаад БНХАУ-ын төрийн өмчит Шинхуа компанид төмөр замын эрхийг нь шилжүүлэх нь эцсийн зорилго юм. Түүний энэхүү хууль бус үйлдлийг “МТЗ-ыг Эрднэс МГЛ-рүү шилжүүлж байгаа нь Сайханбилэгийн ёстой аргаа ядсан алхам гэж харагдаж байна. Шинхуа их шахжээ” гэж дүгнэх нэгэн ч байна.

 

Учир нь БНХАУ-ын Шинхуа “ Төмөр замд хөрөнгө оруулаад 30 жилийн дараа 51 хувийг Монголд эзэмшүүлж, 49 хувийг цаашид өөрсдөө эзэмших” санал гаргасан. Харин МТЗ-ын одоогийн удирдлагууд“Хөрөнгө оруулагчид хөрөнгө оруулалтаа 30 жилийн хугацаанд тээврийн орлогоос олох. Төмөр замын эзэмшил 100 хувь Монгол Улсад байх” гэсэн санал оруулж ирсэнг нь Ч.Сайханбилэг дэмжээгүй. Тэгэхээр яагаад заавал Шинхуа байх ёстой гэж гэдэг асуултыг Ерөнхий сайд Ч.Сайханбилэгээс асуух хэрэгтэй болж байна.  

 

Хэрэв Ерөнхий сайд Ч.Сайханбилэгийн МТЗ-ыг Эрдэнэс Монголд өгөх дээрэм даваа гаригийн Засгийн газрын хуралдаанаар батлагдвал тэрээр “Хүний хөгжил сангийн тухай хууль” болоод бусад хууль тогтоомжийг зөрчсөн ноцтой үйлдэл болох нь илт байна. Ямартай ч Ч.Сайханбилэг, Эрдэнэс Монголын захирал Б.Бямбасайхан хоёр хамтарч Оюутолгойн шинэ гэрээ буюу Дубайн нууц гэрээ -1 нууцаар байгуулж чадсан эрхмүүд. Харин МТЗ-ыг Эрдэнэс Монголд шилжүүлэх байдлаар Монгол Улсын төмөр замаа барих эрхийг нь БНХАУ-ын Шинхуад өгч, нууц гэрээ -2 хийж чадах эсэхийг харах л үлдэж байна. 

 

Н.МЯГМАР

 

Эх сурвалж: http://www.medee.mn/

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.