2013 он 8-р сарын 17 Бямба,
Онгироо.МН
Эхлэл » Нийслэл » Манайх биш гэж гүрийсэн ч хана нь нурсан “Нархан” хотхон “Алтай констракшн” -ых болох нь батлагдлаа

Манайх биш гэж гүрийсэн ч хана нь нурсан “Нархан” хотхон “Алтай констракшн” -ых болох нь батлагдлаа

Нийтлэлийн төрөл: Нийслэл, Онцлох мэдээ

Манайх биш гэж гүрийсэн ч хана нь нурсан “Нархан” хотхон “Алтай констракшн” -ых болох нь батлагдлаа

 

20 минутын борооны ая даалгүй хана нь нурж унасан “Алтай констракшн”-ы “Нархан” хотхоны барилга өнөөгийн барилгын чанарыг харуулав. Тодруулбал, өнгөрсөн даваа гаригт НОБГ-т Хан-Уул дүүргийн 15 дугаар хороо, “Нархан” хотхоны 65 дугаар байрны 13 давхрын гадна пасадны хөөсөнцөр, шавардлаг хуурсан, хүн, эд материал дээр унах гээд байна гэсэн дуудлага ирсэн байдаг.  Дуудлагын дагуу ХУД-ийн Онцгой байдлын хэлтсээс мэргэжилтэн, нийслэлийн Аврах ангийн бүлгийг очиход тус байрны 13 давхрын хойд талын 5х8х0.10 хэмжээтэй / 4 м3/ гадна пасадны хөөсөнцөр унах гэж байсныг аюулгүй байдлыг хангаж хөөсөнцөрийг буулгасан юм.

 

Азаар хүн бэртэж гэмтээгүй ч тухайн нурсан хананы яг доор нь хүүхдийн тоглоомын талбай байрласан байна. Хэрвээ тухайн үед хүүхдүүд уг талбайд тоглож байсан бол өчнөөн хүүхэд бэртэх аюултай байдал үүсэхээр байлаа.

 

Барилгын хана нурсан даруйд “Алтай констракшн”-ны зүгээс манай барилга биш, “Нархан” хотхоны ч барилга биш “Тэнгэрлэнд” компанийн барилга гэх тайлбаруудыг хэвлэл мэдээллийн хэрэгслүүдээр тараасан юм.

 

Гэвч уг хана нь нурсан барилга нь “Нархан” хотхоны барилга мөн болохыг НОБГ болон Замын цагдаагийн газраас баталлаа. Ослын газар дуудлагаар очиж ажилласан төрийн байгууллагын зүгээс  “Нархан” хотхоны барилга гэж мэдээлээд байхад “Алтай констракшн”-наас “Нархан хотхон”-ы барилга биш хэмээн гүрийж, хэвлэлийнхэнийг шүүхэд өгнө гэж заргалдсан юм.

 

Энэ талаар Замын цагдаагийн газраас тодруулахад “Барилгын пасат нурсан гэж зам хаасан бөгөөд ХУД-ын Онцгой байдлын хэлтэс, Нийслэлийн Аварах 105 ангийн 8 хүний бүрэлдэхүүнтэй баг, Нийслэлийн МХГ-аас 3 байцаагч ирж ажилласан. 59-60 дугаартай Т. Камри авто машиныг авто ирэгээр чирж аюултай бүсээс гаргасан. “Алтай консртакшн” “Наран хотхон”-ы хойд талаасаа 13 давхарын 4х5 хөөсөнцөөр шавар дууллага унасан. ХУД, ЦХ, ЗЦТ хамтарч ажилласан зорчих хсэгийн замын хөдөлгөөнийг 2 цаг хаасан ямар нэгэн хүн эрсдээгүй, гэмтээгүй” гэлээ.

 

Мөн уг байрны оршин суугчид “Нархан хотхон” мөн гэдгийг баталж байна.

 

Энэ талаар 65 дугаар байрны оршин суугчдаас тодруулахад “Нархан” хотхоны 65-р байр гэж л явдаг ш дээ. Яагаад гэнэт “Нархан”-ых биш болчихов. Борооны хувьд байрны хана, пасад нураад байх хүчтэй салхи болоогүй шүү дээ. Газар хөдлөлт болбол энэ байраас юу ч үлдэхгүй юм байна л даа. Өчигдөр “Тэнгэр лэнд” гэж компани барьсан, захиалагч нь олдохгүй байна зэрэг ойлгомжгүй юм яриад л байсан. Дээд хэсэг нь нурчихсан тул доошлоод нурахгүй гэх баталгаа алга” гэв.

 

Бас нэгэн оршин суугч “Алтай констракшны Нархан хотхоны 65 дугаар байр мөн. Гүйцэтгэгчээр нь “Тэнгэрлэнд компани оролцсон гэсэн. Түүнээс биш уг байр бол Алтай констракшных. Бид анх энэ байранд орохдоо Алтай констракшнтай гэрээ байгуулж орсон. Гэтэл хэдхэн минутын бороонд хана нь нурж унасан нь доошоо нурах вий гэсэн  айдаст автуулж байна. Өчнөөн хоног өнгөрчихөөд байхад өнөөдрийг хүртэл ханаа янзлахгүй байна. Ямарч  учиртай юм ойлгохоо байлаа” гэх тайлбарыг өгч байна.

 

Юутай ч өөрсдийн байрны чанарт санаа тавьж, нурсан  ханаа янзлах ёстой “Алтай констракшн” ханаа янзлах биш хэвлэлийнхэнтэй хэрүүл хийж, манай барилга биш, Нархан хотхон биш Тэнгэрлэндийн барилга хэмээн иргэдийг төөрөгдүүлсэн ч төрийн байгууллагаас, оршин суугчдын зүгээс “Алтай констракшн”-ы “Нархан хотхон”-ы барилга мөн болохыг батлав.

 

Байрны хана нураад долоо хонож байхад “Алтай констракшн” барилгын ханаа өнөөдрийг хүртэл янзлаагүй байна. Харин барилгын ажлаа эхлүүлэх ёстой атал хэвлэл мэдээллийн хэрэгслүүд рүү залгаж “манай барилга биш, Нархан хотхон биш. Тэнгэрлэндийн барилга” хэмээн хэрүүл хийсээр байна.

 

Байрны хана 2015 оны 6 дугаар сарын 3-ны өдрийн 20 минутын бороонд нурсан. Харин өнөөдөр 2015 оны 6 дугаар сарын 8-ны өдөр. Гэтэл барилгын хана янзлагдаагүй хэвээрээ. Ойр орчмыг хамгаалалтад авсан хэвээр байна.

 

“Алтай констракшны зүгээс “Нархан” хотхоны барилга нураагүй гэж гүрийсэн ч хана нь нурсан барилга “Алтай констракшны “Нархан” хотхоны барилга болохыг оршин суугчид ч, албаны байгууллагууд ч баталлаа. Бид тун удахгүй НМХГ-аас гаргасан дүгнэлтийг танилцуулах болно.

 

Манайх биш гэж гүрийсэн ч хана нь нурсан “Нархан” хотхон “Алтай констракшн” -ых болох нь батлагдлаа

 

 

 

 

 

 

 

 

 

 

 

 zaluu.com

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.