2013 он 8-р сарын 17 Бямба,
Онгироо.МН
Эхлэл » Онцлох мэдээ » “Эрдэнэт” үйлдвэрт осол гарч, хүний амь эрсэдлээ

“Эрдэнэт” үйлдвэрт осол гарч, хүний амь эрсэдлээ

Нийтлэлийн төрөл: Онцлох мэдээ, Шуугианы эзэн

 “Эрдэнэт” үйлдвэрт осол гарч, хүний амь эрсэдлээ

 

Үхэл гэдэг зүйл хэлж ирдэггүй, хийсч ирдэг. Гэвч өөрийн болон өрөөлийн анхаарал болгоомжгүй байдал, ажил олгогчдын хайхрамжгүй үйлдлээс болж цаг бусын үхлээр ертөнцөөс одогсдын тоо нэмэгдсээр байгаа нь харамсалтай. 

 

Улаанбаатар хотод барилгын компаниуд хөдөлмөр аюулгүйн байдал хангаагүйгээс хамгийн их осолд өртдөг. Тэгвэл хөдөө орон нутгаас Уулын баяжуулах “Эрдэнэт” үйлдвэрт байсхийгээд л осол гарч, эрдэнэт хүний эрүүл мэнд, амь насыг хохироосон талаарх мэдээ байсхийгээд л олныг сэрдхийлгэдэг боллоо. 

 

Тухайлбал, 2013 оны есдүгээр сард “Эрдэнэт” үйлдвэрийн дэргэдэх өндөр хүчдэлийн шугам дээр ажиллаж байсан хоёр хүн өндрөөс унаж хүнд бэртсэн. Тэднийг цаг алдалгүй эмнэлэгт хүргэсэн ч 30 орчим насны залуу эмчилгээ авалгүй амиа алдаж байв. Мөн өнгөрсөн оны долоодугаар сард “Эрдэнэт” үйлдвэрийн хаягдлын аж ахуй болох хиймэл нууранд морьтой хүүхэд унаж осолдсон харамсалтай хэрэг гарсан. 

 

Шүүхийн байгууллага “Эрдэнэт” үйлдвэрийн дотоод журам зөрчигдсөн, иргэдэд сэрэмжлүүлэг болон осол аюулын мэдээлэл, хамгаалалт дутуу хийснээс энэхүү хэрэг гарсан гэж дүгнэсэн байдаг. Тэгвэл энэ сарын 12-ны өдрийн 16:00 цагийн орчимд “Эрдэнэт” үйлдвэрт дахиад л осол гарчээ. Тодруулбал, Баяжуулах фабрикт гарсан энэхүү ослын үеэр иргэн Э хүнд бэртэн, Улаанбаатар хотод хүргэгдэх замдаа нас барсан байна. Энэ талаар “Эрдэнэт” үйлдвэрт ажилладаг эх сурвалжаас тод­­руулахад “Баяжуулах фабрикийн бутлах хэсэгт осол гарч, нэг залуу гэмтэл авсан. 

 

Тэр залуу сэхээнд байж байгаад нас барсан” гэсэн юм. Мөн талийгаач нь гавьяаны амралтдаа суусан аавынхаа оронд ажилд орсон залуу байсан талаар эх сурвалж өгүүлэв. 

 

Харин тус үйлдвэрийн удирдлагууд энэ талаар мэдээлэл өгөхөөс татгалзсан бөгөөд хуулийн байгууллагын тайлбар, дүгнэлтийг хүлээж байна гэлээ.

 

 

 

 

 

 

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.