2013 он 8-р сарын 17 Бямба,
Онгироо.МН
Эхлэл » Онцлох мэдээ » ГОВЬСҮМБЭР АЙМАГТ МАН ҮНЭМЛЭХҮЙ ЯЛАЛТ БАЙГУУЛЛАА

ГОВЬСҮМБЭР АЙМАГТ МАН ҮНЭМЛЭХҮЙ ЯЛАЛТ БАЙГУУЛЛАА

Нийтлэлийн төрөл: Онцлох мэдээ, Сонгууль

ГОВЬСҮМБЭР АЙМАГТ МАН ҮНЭМЛЭХҮЙ ЯЛАЛТ БАЙГУУЛЛАА

 

Монгол Ардын Намын Ерөнхий нарийн бичгийн дарга Ж.Мөнхбат сэтгүүлчдэд мэдээлэл өглөө. Тэрбээр Ардчилсан намын Ерөнхий нарийн бичгийн даргын үүргийг түр орлон гүйцэтгэгч Л.Эрхэмбаярын мэдэгдэлд хариулт өгөхийн зэрэгцээ Говьсүмбэр аймгийн ИТХ-ын нөхөн сонгуулийн дүнг танилцуулсан юм. Нийт дөрвөн тойрогт нөхөн сонгууль явуулснаас МАН бүгдэд нь илт давуу ялалт байгуулжээ.

 

2012 оны аймгийн ИТХ-ын сонгуулиар Говьсүмбэр аймгийн ИТХ-ын төлөөлөгчөөр сонгогдсон дөрвөн хүнийг Сонгуулийн тухай хууль зөрчсөн гэх шүүхийн шийдвэрээр эргүүлэн татсан ба тэдний оронд АН-ын зүгээс жагсаалтаар дөрвөн хүнийг ИТХ-д оруулаад байсныг Улсын Дээд шүүхээс хууль бус хэмээн үзэж нөхөн сонгууль явуулахыг даалгасан байна. Үүнээс хойш хоёр жил орчмын хугацаанд МАН болон орон нутгийн иргэдийн зүгээс дээрх шүүхийн шийдвэрийг биелүүлэхийг шаардсаны дагуу энэ сарын 22-ны өдөр Сүмбэр сумын 1, 2, 3, 6-р багт нөхөн сонгууль боллоо. Нийт 3435 хүн 12 нэр дэвшигчид санал өгсөнөөс МАН-аас нэр дэвшсэн Д.Батцэцэг 59,7 хувь, Д.Гансүх 56 хувь, Г.Батзам 64 хувь, Б.Аюушжав 64 хувийн саналаар тус тус ялалт байгуулжээ. 2012 оны аймгийн ИТХ-ын сонгуулиар дээрх дөрвөн тойргын гуравт нь МАН ялалт байгуулж байсан байна. Харин өчигдөр болсон нөхөн сонгуулиар бүх тойрогт МАН ялж сонгогчдын саналыг дахин баталгаажууллаа. Говьсүмбэр аймаг 12 мянга гаруй хүн амтай. Харин тус аймгийн гол цөм нь болсон Сүмбэр суманд хүн амын дийлэнх хувь нь оршин суудаг байна. Ийнхүү төлөөлөгчид сонгогдсоноор Говьсүмбэр аймгийн иргэдийн 65,7 хувь нь аймгийнхаа ИТХ-д төлөөлөлтэй болж байна.

 

ГОВЬСҮМБЭР АЙМАГТ МАН ҮНЭМЛЭХҮЙ ЯЛАЛТ БАЙГУУЛЛАА

 

Мөн энэ үеэр МАН-ын Ерөнхий нарийн бичгийн дарга Ж.Мөнхбат МАН-д хандсан мэдэгдэлд хариу тайлбар хийлээ. Тодруулбал, энэ сарын 22-ны өдөр Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр МАН төрийн албан хаагчдыг хоморголон халж, хууль бус ажиллагаа явуулж байна гэсэн мэдэгдэл хийсэн юм. Тэрбээр төрийн жинхэнэ албан хаагчийг халж сольсон асуудал байхгүй, зарим яам хууль бус томилгоотой явж ирсэн түр орлон гүйцэтгэгчдийг одоогийн мөрдөж буй хуулийн хүрээнд, Засгийн газраас гаргасан түр орлон гүйцэтгэгчийг томилох журамд нийцүүлэн хуулийн дагуу болгох арга хэмжээ л авсан гэдгийг хэллээ. Тодруулбал, Сү.Батболдын Засгийн газрын үед Төрийн албаны хуулийн дагуу Түр орлон гүйцэтгэгч томилох журмыг баталсан. Ингэхдээ “түр эзгүй байгаа сул орон тоон дээр төрийн захиргааны жинхэнэ алба хашиж байгаа доод албан тушаалын хүнийг нь түр орлон гүйцэтгэгчээр томилно” гэж заажээ.

 

Харин Н.Алтанхуягийн Засгийн газар 2012 оны есдүгээр сарын 5-нд 26 дугаар тогтоол гарган “сул орон тоон дээр төрийн жинхэнэ албан хаагчаас нөхөх биш харин дурын иргэнийг түр орлон гүйцэтгэгчээр томилж болно” гэж дээрх журамд өөрчлөлт оруулж түр орлон гүйцэтгэгчдийг томилжээ. Гэвч энэ тогтоолыг хууль зөрчсөн шийдвэр гэж ҮХЦэц үзсэн тул Засгийн газраас 2013 оны дөрөвдүгээр сарын 13-нд 145 дугаар тогтоол гаргаж 26 дугаар тогтоолоо хүчингүй болгосон байна. Өөрөөр хэлбэл, түр орлон гүйцэтгэгчээр төрийн жинхэнэ албан хаагч биш иргэнийг томилж болно гэсэн журмаа хүчингүй болгосон байна. Хүчингүй болсон 26 дугаар тогтоолоор түр орлон гүйцэтгэгчид томилогдсон иргэд хууль бус болж таарч байгаа тул оронд нь төрийн жинхэнэ албан хаагчийг томилох шаардлагатай болжээ.

 

 

 

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.