2013 он 8-р сарын 17 Бямба,
Онгироо.МН
Эхлэл » Онцлох мэдээ » Х.Баттулга: Үнэн юм ярихаар л хүнд ингэж хүрч байхгүй юу

Х.Баттулга: Үнэн юм ярихаар л хүнд ингэж хүрч байхгүй юу

Нийтлэлийн төрөл: Онцлох мэдээ, Сонгууль

Х.Баттулга: Үнэн юм ярихаар л хүнд ингэж хүрч байхгүй юу

 

Ерөнхийлөгч Ц.Элбэгдорж УИХ-ын гишүүн Х.Баттулгыг өрөөндөө дуудаж, камерын өмнө “загнасан"-ы дараа тэдний дунд өрнөсөн яриа хөөрөө хэвлэлийнхэнд хаалттай болсон юм.

Ерөнхийлөгч хэлэх үгээ хэвлэлийнхний өмнө хэлж дууссаны дараа тэд хоёулхнаа үлдсэнээс хойш бараг цагийн дараа УИХ-ын гишүүн Х.Баттулга Ерөнхийлөгчийн өрөөнөөс гарч ирсэн билээ. Энэ үеэр түүнээс зарим асуултад хариулт авсан юм.

-Дотор юу болов. Та хоёр юу ярилцсан бэ. Сая бол та нэлээн загнууллаа?

-Ерөнхийлөгчтэй олны өмнө маргаад байлтай нь биш. Болохгүй шүү дээ. Дүрэм гэж байна, дэг жаяг гэж байна.

-Гэхдээ Ерөнхийлөгчийн танд хандсан хатуу үгнүүдийн хариуд ямар нэг зүйл хэлсэн биз дээ?

-Дарга нар чинь хэцүү шүү дээ. Төмөр зам бол аж ахуй байхгүй юу. Мөнгө байхгүй бол юу ч бүтэхгүй. Мөнгийг нь өгдөггүй л байхгүй юу.

-Та ч гэсэн дарга байсан. Танд ажил хийх боломж ч, мөнгө ч байсан гэж Ерөнхийлөгч хэлсэн. Санал нийлж байна уу?

-Гэхдээ төмөр зам барьдаг төсөв яаманд байхгүй шүү дээ. Төсөв гэдэг яамны л төсөв. Харин төмөр зам бол хөрөнгө оруулалт, зээл гэж байна.

-Тэгвэл саяхан телевизүүдээр цацсан “100 чухал сэдэв” нэвтрүүлэгт Ерөнхийлөгч их эмзэглэж байна. Үнэхээр нэвтрүүлгийн агуулга нь ард түмнийг талцуулчих шиг болсон. Таны захиалсан нэвтрүүлэг гэдэг нь үнэн үү?

- Захиалга биш л дээ. Би өөрөө бараг зохиолыг нь гаргасан. Манайхан дандаа нэг худлаа мөлгөр юм яваад л байдаг. Тухайлбал, есдүгээр сарын 11-ний талаар нэвтрүүлэг байдгийг мэдэх үү. Тэр нэвтрүүлгийг тухайн үедээ Бушийг хийлээ гээд л байсан. Олон ургальч үзэл, олон талаас нь хандах гэж байдаг биз дээ. Тэр дагуу ганц нэвтрүүлэг хийсэн. Үнэн юм ярихаар л хүнд ингэж хүрч байгаа юм.

-Тэгэхээр тэр нэвтрүүлгийн зохиол таных юм уу?

-Тэгэлгүй яах юм.

-Гэхдээ их олон телевизээр нэвтрүүлсэн. Үүнд та их мөнгө цацсан уу?

-Юу гэж дээ. Мөнгөсөөд байх юу байсан юм бэ.

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn