2013 он 8-р сарын 17 Бямба,
Онгироо.МН
Эхлэл » Онцлох мэдээ » Хэн гэрээг задлав

Хэн гэрээг задлав

Нийтлэлийн төрөл: Онцлох мэдээ, Сонгууль

МАХН-ынхан АН-тай хамтран ажиллах гэрээг үзэглэх гэж байсан ч хэвлэл мэдээллээр дэлгэгдчихсэн нь багагүй шуугиан тарьсан юм. Тэгвэл энэхүү гэрээг хэн хэрхэн задалсан бэ гэдгийг МАХН-ынхан тун удахгүй эрж сурах бололтой.

Энэхүү гэрээний хувилбар гурван хүнд байсан бөгөөд Шадар сайд Д.Тэрбишдагва лав гадагш задлаагүй аж. Тэгэхээр үлдсэн хоёр хүний хэн нь гэрээг гадагш задалсан бэ гэдгийг тодруулахаар ажиллаж эхэлжээ.

Энэ талаар Шадар сайд, МАХН-ын дэд дарга Д.Тэрбишдагва хэвлэлд өгсөн ярилцлагадаа хэлжээ.

Шадар сайд ярихдаа “АН-тай тэр гэрээг хийхээр төсөл маягийн юм боловсруулчихсан байтал ноорог нь алдагдаж, хэвлэлд гарсан л даа. Энэ ноорог манай намын ердөө гурван хүнд байсан. Хэн нь задалсныг хэзээ нэгэн цагт нам дотроо ярих байх. МАХН-ын Ерөнхий нарийн бичгийн дарга Г.Шийлэгдамба, УИХ-ын дэд дарга Л.Цог, бид гуравт байсан. Би гадагш нь задлаагүй. Дөнгөж ярьж эхлээд төсөөллөө цаасан дээр буулгасан даруйд гадагшаа алдчихсан нь хариуцлагагүйн шинж, санаатай ч үйлдэл байж мэднэ. Гэхдээ одоо гэрээгээ боловсруулж л байна. Энэ гэрээг хийнэ. Цаасан дээр буусан нооргийг харчихаад асуудлыг дэвэргээд байгаа болохоос ноцтой зүйл байхгүй ээ.

Н.Энхбаяр даргыг Ерөнхийлөгчийн албанаас буусны дараа НҮБ-д ажиллуулах тухай яригдаж байсан юм билээ. Н.Энхбаяр гэдэг хүн 60 нас ч хүрээгүй. Энэ хүн Монгол төрийн бүх л өндөр албан тушаалыг хашсан, оюуны бядтай, сэтгэлгээний цар хүрээ өргөнтэй, өндөр боловсролтой. Зүйрлэж хэлбэл, Монгол төрийн ой санамж ч гэж хэлэхэд буруудахгүй байх шүү. Ийм хүний оюуны нөөц чадавхийг эрт “тэтгэвэрт” гаргачихмааргүй байна. Түүний туршлага, мэдлэг, чадварыг шавхаж ажиллуулах нь ард түмэнд ч, улсад ч хэрэгтэй, Монголдоо болдоггүй гээд байгаа юм бол гадаадад яагаад ажиллуулж болохгүй гэсэн үүднээс санал болгож төсөлд тусгасан хэрэг. Гэхдээ энэ нь эцэслэж, батлагдаагүй, төсөөлөл төдий зүйл” хэмээн ярьжээ.

Б.Тогтох

 Хэн гэрээг задлав

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn