2013 он 8-р сарын 17 Бямба,
Онгироо.МН
Эхлэл » Онцлох мэдээ » Мон-Атомын захирал Ж.Билэгсайханд эрүү үүсгэжээ

Мон-Атомын захирал Ж.Билэгсайханд эрүү үүсгэжээ

Нийтлэлийн төрөл: Онцлох мэдээ, Шуугианы эзэн

Монгол улсын Үндэсний Аюулгүй байдалтай нягт холбоотой байгууллага болох Мон-Атом ТӨХК-ийг удирдаж буй Ж.Билэгсайхан дарга өмнө нь АМХЭГ-ын дарга байхдаа нэлээн “манаргаж” байсан ба Мон-Атом-д ч бас зүгээр суухгүй байгаа бололтой.

Тэрээр 1,1 сая долларыг ТУЗ-ийн шийдвэргүйгээр дур мэдэн нэгэн компанид шилжүүлсэн гэх шуум саяхан дэгдэж байсан бөгөөд одоогоор АТГ-аар шалгагдан, эрүү үүсээд байгаа бололтой.

 Нэг хэсэг яригдаж байсан Газрын ховор металл /ГХМ/-ын дуулианд ч мань эрийн нэр холбогдоод авсныг хүмүүс санаж байгаа байх. Судлаач Д.Ганхуягийн 2011 оны 3-р сарын 9-нд бичсэн “Алтнаас үнэтэй шороо” хэмээх нэгэн нийтлэлд ингэж дурдагджээ:  “...Хятадын нөөц манай өмнөхөн талд Баян-Овоо, Бугатад, Оросын гол нөөц манай хойхно Байгалийн чанад, Читад байгааг харгалзвал Монголын зүүн болон бусад хэсэгт ГХМ-ын арвин их нөөц байгаа нь тодорхой байна…
Үүний нэг нотолгоо нь Дорноговийн Хатанбулаг сумын нутаг дахь Лугийн голын ГХМ-ын орд болно. Энд 2005, 2009 онд хийсэн хайгуулаар 500 мянган тн ГХМ-ын хүдэр, 13,5 мянган тн ренийн оксид байгааг тогтоосон. Мөн энэ нь лантан, цери, празеодим, неодим, самари, европи, гадолини асар ихтэй дэлхийд томоохон орд болно.
Харамсалтай нь энэ аварга орд монголчуудын өмч нэгэнт биш болжээ. Учир нь 2008 оны 11 дүгээр сарын 19-нд АМХЭГ-ын дарга асан Л.Болд, Ж.Билэгсайхан нарын тушаалаар энэ ордоо Солонгосын “Реалкокореа” ХХК-д шилжүүлчихжээ. Монголчуудыг олон арван жил тэжээх стратегийн ордоо нэг агентлагийн дарга “мэдээд зарчихаж” байгаа бол Монголд төр байхгүй гэсэн хэрэг…”  гэсэн байна.

Мөн “Улаанбаатар Таймс”-д бичигдэж байснаас иш татвал: “...Харамсалтай нь манайхан ийм чухал зүйлээ, тодруулбал, Лугийн голын ордоо өдийгөөс 10 гаран жилийн өмнө солонгосчуудад тавиад туучихсанаа гэнэт мэдэж, одоо ч цочролоос гарч амжаагүй л байгаа. Газрын ховор элементийн Лугийн голын орд бол стратегийн орд.  Үүнийг УИХ-ын 2007 оны 27 дугаар тогтоолоор баталгаажуулсан юм билээ. Тодруулбал, уг тогтоол Дорноговь аймгийн Хатанбулаг сумын Лугийн орд нь стратегийн орд газар гэдгийг баталгаажуулсан гэсэн үг л дээ. Харамсалтай нь тухайн үеийн Ашигт малтмалын хэрэг эрхлэх газрын дарга асан Л.Болд, Ж.Билэгсайхан нарын “буян”-аар энэ орд газар өдгөө солонгосчуудын өмч.   Ж.Билэгсайхан 2008 оны 11 дүгээр сарын 19-ний өдөр тушаал гаргаж Лугийн толгойг Солонгосын “Реалкокореа” ХХК-д “бэлэглэсэн” байх юм билээ. Мөн ч бөх зүрх шүү.  Гэтэл тухайн үед 41 ам.доллар байсан ховор элемент одоо 92-150 болтлоо өсчихөөд байдаг, дэлхийн зах зээл дээр...” гэжээ.

С.Мөрөн

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.