2013 он 8-р сарын 17 Бямба,
Онгироо.МН
Эхлэл » Эдийн засаг » Гадаад худалдааны үзүүлэлт буурсан дүнтэй гарав

Гадаад худалдааны үзүүлэлт буурсан дүнтэй гарав

Нийтлэлийн төрөл: Эдийн засаг, Онцлох мэдээ

Гадаад худалдааны үзүүлэлт буурсан дүнтэй гаравМонгол Улсын Үндэсний статистикийн хорооноос 2014 оны эхний улирлын гадаад худалдааны үзүүлэлтийг танилцууллаа. 2014 оны эхний улиралд Монгол Улс худалдааны гол түнш таван улстай хийсэн худалдаа 1.9 тэрбум Гадаад худалдааны үзүүлэлт буурсан дүнтэй гарав. Энэ оны эхний улиралд Монгол Улс 3.7 сая тонн нүүрс экспортолжээ. Үүнээс БНХАУ, Их Британи улстай хийсэн худалдаа өссөн бол ОХУ, БНСУ-тай хийсэн худалдаа буурсан үзүүлэлттэй гарлаа.

 

Харин Монгол Улсаас БНХАУ-д экспортолж байгаа бараа бүтээгдэхүүний хэмжээ өсч, импортын дүн буурснаар худалдааны тэнцэл 601.4 сая ам.долларын ашигтай гарчээ. ОХУ-тай хийх гадаад худалдааны үзүүлэлт сүүлийн гурван жил дараалан агшаад байгаагаас 2014 оны эхний улиралд 15.7 хувь болж 2.2 хувиар буурсан байна. Ингэснээр тус улстай хийх худалдааны тэнцэл 291.6 сая ам.долларын алдагдалтай гарсан талаар Үндэсний статистикийн хорооноос мэдээллээ.

 

БНСУ-тай хийсэн худалдаа ч дээрхтэй ижил дүр зурагтай байна. Харин энэ оны эхний улиралд уул, уурхайн дөрвөн төрлийн бүтээгдэхүүний экспорт өсчээ. Тухайлбал нүүрс 3.7 сая тонн, зэсийн баяжмал 214.1 мянган тонн , боловсруулаагүй газрын тос 1.6 сая тонн , 2.2 тонн алт экспортлосон нь 2013 оны эхний улиралтай харьцуулахад 8.7-112.9 хувиар өссөн бол төмрийн хүдэр, цайрын хүдэр болон баяжмалын экспорт 19-64 хувиар буурсаныг Үндэсний статистикийн хорооны мэдээлэлд онцолжээ. Түүнчлэн импортын үнийн дүн 17.3 хувиар буурч 996 сая ам.доллар болсон бөгөөд машин, тоног төхөөрөмж, эрдэс бүтээгдэхүүн, тээврийн хэрэгслийн импорт буурч бусад төрлийн импорт нэмэгдсэн дүнтэй гарлаа.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.