2013 он 8-р сарын 17 Бямба,
Онгироо.МН
Эхлэл » Онцлох мэдээ » Л.Энх-Амгалан нар бондоор асуулга тавилаа

Л.Энх-Амгалан нар бондоор асуулга тавилаа

Нийтлэлийн төрөл: Онцлох мэдээ, УИХ


Эдийн засгийн хөгжлийн сайд Н.Батбаярт хандан бондын зарцуулалттай холбоотой дөрвөн зүйл бүхий асуултыг УИХ-ын гишүүн Л.Энх-Амгалан, Ч.Хүрэлбаатар, Д.Хаянхярваа нар тавьжээ.

Асуулгад: 1.Засгийн газрын арилжаалсан 1.5 тэрбум ам.долларын "Чингис бонд”, 30 тэрбум иений "Самурай" бондын хэд нь Монгол Улсын Хөгжлийн банкны дансанд бодитойгоор оров.

2. Хөгжлийн банкин дахь "Чингис бонд" болон "Самурай" бондын хөрөнгө, түүнчлэн тус банкны бусад ашиглагдаагүй хөрөнгийн үр ашгийг нэмэгдүүлэх үүднээс ямар нөхцөл, шалгуураар хэдий хэмжээний хөрөнгийг арилжааны банкуудад байршуулав.

3. Төсвийн тогтвортой байдлын тухай хуулийн 19 дүгээр зүйлийн 19.3 дахь хэсэгт заасан улсын өрийн хэмжээг ДНБ-ний 40 хувиас хэтрүүлэхгүй байх шаардлага хангагдаж байгаа эсэх, дээрх бондуудыг авсны дараах байдлаар Монгол Улсын өрийн хэмжээ хэд болж, ДНБ-ий хэдэн хувьд хүрэв.

4. Төсвийн тухай хуулийн 49 дүгээр зүйлийн 49.3-т "Өр үүсгэж бүрдүүлсэн эх үүсвэрийг зөвхөн төсөвт тусган, баталсан хөтөлбөр, төсөл, арга хэмжээг санхүүжүүлэхэд зарцуулна" гэж заасны дагуу бондын хөрөнгийн эх үүсвэрийг хэзээ, хэрхэн улсын төсөвт тусган хуулийн зөрчлийг арилгах тухай тодорхой мэдээлэл ирүүлж, УИХ-ын чуулганы нэгдсэн хуралдаанд сонсгохыг хүсч байна. гэжээ.

Хуульд зааснаар асуулга хүлээн авсан албан тушаалтан 30 хоногийн дотор хариу ирүүлэх үүрэгтэй.

Онцлоход, ам.долларын ханшийн өсөлтөөс болж, Монгол Улсын өрийн хүүгийн хэмжээ өнгөрсөн оныхтой харьцуулахад өссөн, Монгол Улс гадаадаас авсан зээлийн хүүнд жил бүр 150-180 тэрбум төгрөг төлж ирсэн. Харин валютын ханшийн огцом өсөлтөөс болж төлж байгаа зээлийн хүүгийн хэмжээ дахин өсчихөөд байна гэх мэдэгдлийг УИХ-ын гишүүн Л.Энх-Амгалан хийж байв.

 

 

 

 

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.