2013 он 8-р сарын 17 Бямба,
Онгироо.МН
Эхлэл » Нийслэл » Зүсээ хувилган олон жил нуугдсан маньяак Б-г ЭЦГ-ынхан илрүүлэн баривчиллаа


Зүсээ хувилган олон жил нуугдсан маньяак Б-г ЭЦГ-ынхан илрүүлэн баривчиллаа

Нийтлэлийн төрөл: Нийслэл, Онцлох мэдээ

1996 оноос хойш удаа дараагийн үйлдлээр бага насны хүүхэд хүчиндсэн болон хүнийг санаатай алах гэмт хэрэг үйлдсэн гэмт хэргүүдэд сэрдэгдэн цагдаагийн байгууллагад эрэн сурвалжлагдаж байсан Б-г өчигдөр ЭЦГ-ынхан баривчилсан байна. Удаа дараагийн онц ноцтой гэмт хэрэг үйлдсэн ч баригдалгүй оргон зайлж чаддаг байсан түүнийг ЭЦГ-ынхан сүүлийн нэг жилийн өмнөөс  байж болох газрыг тогтоож,  шаардлагатай ажиллагаануудыг хийсний үр дүнд ийнхүү баривчилсан байна.


Б нь удаан хугацааны туршид овог нэрээ сольж, тодорхой хэмжээнд зүсээ өөрчилж Монгол улсын иргэний бүртгэл мэдээллийн болон халамж үйлчилгээний сан, жолооны үнэмлэх, банк санхүүгийн байгууллага, нийгмийн болон эрүүл мэндийн даатгалд бүртгэлгүйгээр амьдарч байсан байна.Түүнчлэн одоогийн хамт амьдарч байсан эхнэр нь түүний жинхэнэ овог нэрийг нь мэдэлгүй, мөн түүний аав ээж, төрөл төрөгсдийн нэг ч хүнтэй уулзалгүйгээр 8 жил хамт амьдарч өдгөө хоёр хүүхэдтэй болсон байжээ.

Б нь 1971 онд Улаанбаатар хотод төрсөн, 43 настай,  Э нэрээр СХД амьдарч байсныг  Эрүүгийн цагдаагийн газар, мөрдөн байцаах газрын ажилтнууд удаан хугацааны мөрдлөгийн үр дүнд илрүүлсэн байна. Энэ этгээд нь цагдаагийн байгууллагын дүгнэж байгаагаар  Педофили, ( Педофили (paedo-хүүхэд,  philia- дурлах гэсэн утгатай грек үг ) манъяак шинжийн төрхийг агуулсан гэмт этгээд бөгөөд  хүчин, ялангуяа бага насны хүүхэд хүчирхийлж гаж маягаар дур хүслээ хангадаг этгээд юм. Ийм төрлийн гэмт хэрэг үйлддэг этгээдүүд нь маш болгоомжтой хашир, гаднаасаа харахад ийм төрлийн гэмт хэрэг үйлдэхээргүй царай зүстэй, зарим тохиолдолд өндөр боловсролтой, нийгэмд тодорхой байр суурь ч эзэлсэн хүмүүс байдаг байна.


Кино, ном зохиол дээр гардаг үйл явдлын учгийг тайлж хүний ёсноос гаж үйлдэл хийдэг, нэр хаяг, зүс царай нь тодорхойгүй үл мэдэгдэх этгээдийг удаан хугацаанд мөрдөн шалгаж олж тогтооно гэдэг амаргүй. Мөн түүнчлэн хэн ч харсан гэмгүй, дөлгөөн царай зүстэй, ажил албатай байсан ч дотор хүн нь ямар аймшигтай болохыг дээрх дүгнэлтээс харж болно. Эцэг эхчүүд бага насны охин хүүхдүүдэд тавих анхаарлаа сулруулахгүй байхыг анхааруулж байна.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.