2013 он 8-р сарын 17 Бямба,
Онгироо.МН
Эхлэл » Засгийн газар » Говь-Алтай аймгийн асуудлаар МАН Ерөнхий сайдад шаардлага хүргүүллээ

Говь-Алтай аймгийн асуудлаар МАН Ерөнхий сайдад шаардлага хүргүүллээ

Нийтлэлийн төрөл: Засгийн газар

 

 

 

                                                          МОНГОЛ УЛСЫН ЕРӨНХИЙ САЙД Н.АЛТАНХУЯГ ТАНАА

        Шаардлага тавих тухай

    Монгол Улс 1992 онд Ардчилсан шинэ Үндсэн хуулиа батлан хүний эрх, эрх чөлөөг хүндэтгэн дээдэлж, улстөрийн хүрээнд олон намын тогтолцоонд шилжин орж орон нутгийн удирдлагыг төрийн удирдлагатай хослуулан хэрэгжүүлж, хууль дээдлэн эрх зүйт төрийг цогцлоон бэхжүүлэх замыг сонгон авч 20 гаруй жилийг ардаа үдэж байгаа билээ.
    Гэтэл Говь-Алтай аймгийн засаг даргаар саяхан сонгогдож томилогдсон О.Амгаланбаатар нь Монгол Улсын Үндсэн хууль, Монгол Улсын засаг захиргаа, нутаг дэвсгэрийн нэгж, түүний удирдлагын тухай хууль, Монгол Улсын төрийн албаны тухай хуулиудын холбогдох заалтуудыг зөрчин хүний сонгох, сонгогдох эрхийг үл хүндэтгэн  үзэж, нутгийн өөрөө удирдах ёсны байгууллага болох сумын ИТХ-ын хуулиар олгогдсон бүрэн эрхэд бүдүүлгээр халдан шударга ёсыг уландаа гишгэн төрийн албан хаагчдыг үзэл бодол, нам эвслээр нь ялгаварлан гадуурхаж хууль зүйн үндэслэл муутайгаар ажлаас нь халж, чөлөөлж эхэллээ.
    Есөн булаг, Дэлгэр, Алтай сумдын ИТХ-д МАН-аас нэр дэвшин олонхийн санал авч сонгогдон тухайн үеийн аймгийн Засаг даргын захирамжаар хууль зүйн дагуу томилогдсон Засаг дарга нарыг намын харъяаллаар нь ажлаас нь чөлөөлж, үүрэг гүйцэтгэгч томилно гэж орон нутгийн ИТХ-ын бүрэн эрхэд халдан ажлыг нь үймүүлж эхэлжээ.
    Төрийн албаны тангараг өргөн төрд олон жил тогтвор суурьшилтай ажиллаж мэргэшсэн аймгийн ЗДТГ-ын газар, хэлтэс, албадын дарга нарыг хоморголон халж эхэлсэн байна.
    Иймд Монгол Улсын хуулийг уландаа гишгэн дураараа авирлаж хүний эвлэлдэн нэгдэх, сонгох, сонгогдох, ажил хөдөлмөр эрхлэх эрхийг нь бүдүүлгээр зөрчин их хэлмэгдүүлэлтийн эхлэл болох халаа сэлгээг эхлүүлж байгаа Говь-Алтай аймгийн Засаг дарга О.Амгаланбаатарын хууль бус үйлдлийг нэн даруй таслан зогсоохыг танаас шаардаж байна.

 

                                                        Монгол Ардын Нам

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.