2013 он 8-р сарын 17 Бямба,
Онгироо.МН
Эхлэл » Соёл урлаг » “Өнгөгүй өнгө” үзэсгэлэн нээгдлээ


“Өнгөгүй өнгө” үзэсгэлэн нээгдлээ

Нийтлэлийн төрөл: Соёл урлаг

“Өнгөгүй өнгө” үзэсгэлэн нээгдлээ

Монголын урчуудын эвлэлийн шагналт уран барималч А.Очирболд уран бүтээлийн бие даасан үзэсгэлэнгээ “Өнгөгүй өнгө” хэмээн нэрлэжээ.

 

Гангаар урласан уран баримлын бүтээлүүд нь уран барималчийн авьяас, сэтгэлгээ, туурвил зүйн шинэ шийдэл нээлтээр арвин бөгөөд байгаль ертөнцийн гэрэл сүүдэр, өнгө аялгууг хүмүүст харуулж байгаагаараа өвөрмөц уран баримлууд болсон байна.

 

“Өнгөгүй өнгө” үзэсгэлэн энэ сарын 19-22-ны өдрүүдэд Монголын Үйлдвэрчний эвлэлийн Арт галерейд байх аж. 

 

“Орлой гурван зээрд”, “Би”, “Монгол”, “Үүлэн чөлөө”, “2222” зэрэг арван шилдэг баримал бүтээсэн А.Очирболдын үзэсгэлэн залуу уран бүтээлчдийн ур чадвар шинэ өндөрлөгт хүрснийг харуулж байна. 

 

Тэрбээр “Буур Жамьян", “Дэмүүл Арслан", “Чингүнжав”, “Цогт тайж” зэрэг арван гаруй том хэмжээний бүтээл туурвисан шилдэг залуу уран бүтээлчдийн нэг бөгөөд анхны бие даасан энэ үзэсгэлэн нь түүний туурвилын цоо шинэ өндөрлөгийг илтгэх аж. 

 

Үзэсгэлэнд тавигдсан бүтээл нь ган болдын өнгөгүй гялалзсан толинд ертөнцийн өнгө бүхэн солонгорон тусах ер бусын хэм хэмнэл бүхий орчлонгийн ой санамжийн цаглашгүйг өгүүлнэ. 

 

Мөн хүмүүст шинэ мэдрэмж шинэ хөг аялгууг мэдрүүлэхийн хамт өвөрмөц шийдлүүдийг агуулснаараа бодит байдал ба хийсвэрлэл, өнгө ба өнгөгүй, үнэн ба зэрэглээ, харагдах хийгээд эс харагдахын дотоод чинадыг хүүрнэх ажээ. 

 

Эх сурвалж: 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.