2013 он 8-р сарын 17 Бямба,
Онгироо.МН
Эхлэл » Байгаль орчин » Хятадууд бөхөнгийн эврийг 80-100 мянган төгрөгөөр захиалж агнуулжээ

Хятадууд бөхөнгийн эврийг 80-100 мянган төгрөгөөр захиалж агнуулжээ

Нийтлэлийн төрөл: Байгаль орчин

Хятадууд бөхөнгийн эврийг 80-100 мянган төгрөгөөр захиалж агнуулжээ

Говь-Алтай аймгийн Хөхморьт суманд бөхөн хууль бусаар агнасан хэргийн захиала г ч нь хятадууд байсныг тогтоожээ. 

 

Өнгөрсөн сард тус сумын эрхэлсэн тодорхой ажилгүй Т, Н нар бөхөнгийн олон тооны эвэр тээвэрлэж явахдаа саатуулагдсан юм. Тэд бөхөнгийн 74 эвэр, үнэг, мануулыг арьс авч явжээ. Түүнээс гадна сэжигтнүүд саатуулагдах үедээ цагдаагийн ажилтны өөдөөс эсэргүүцэж биед нь гэмтэл учруулсан юм. 

 

Тиймээс уг үйлдлийг Улсын мөрдөн байцаах газар, Эрүүгийн цагдаагийн газраас хүч нэмэгдүүлэн шалгасан байна. Хэргийг шалгах явцад тус аймгийн харьяат Ц гэгч түүхий эдийн ченж эмэгтэйн захиалгаар үйлдсэн болох нь тогтоогджээ. 

 

Тэрээр хятадуудаас захиалга авч нутгийн иргэдээс нэг бөхөнгийн эврийг 80-100 мянган төгрөгөөр худалдаж авахаар тохиролцсон байжээ. Түүний эл үйлдэл зохион байгуулалттай төдийгүй БНХАУ руу гаргах зорилготой байсан нь мөрдөн байцаалтын явцад илэрсэн байна. Учир нь Ц аймагтаа түүхий эдийн ченж хийж, Хятад руу барааг гаргадаг аж. 

 

Тэрээр хятадууд бөхөнгийн эврийг эмийн бүтээгдэхүүн хийхэд ашигладаг талаар мэдүүлжээ. Бөхөн Монгол Улсын хэмжээнд Говь-Алтай аймгийн Тонхил, Хөхморьт сум, Ховд аймгийн Чандмань, Дарви суманд нутагладаг. 

 

Сүүлийн үед ховор ан амьтныг хууль бусаар агнах, тээвэрлэх хэрэгт орон нутгийн иргэд төдийгүй малчид холбогдох болсныг хуулийн байгууллагынхан онцоллоо. Улаан номонд орсон ховор амьтныг хууль бусаар агнаж, худалдаалж, тээвэрлэсэн бол тав хүртэлх жилийн хорих ялаар шийтгүүлдэг аж.

 

Б.Заяа 

 

Эх сурвалж: "Зууны мэдээ" сонин

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn