2013 он 8-р сарын 17 Бямба,
Онгироо.МН
Эхлэл » Нийгэм » АТГ-аас “Таванбогд” группийн ерөнхийлөгч Ц.Баатарсайханы өрөөнд нэгжлэг хийжээ

АТГ-аас “Таванбогд” группийн ерөнхийлөгч Ц.Баатарсайханы өрөөнд нэгжлэг хийжээ

Нийтлэлийн төрөл: Нийгэм, Шуугианы эзэн

АТГ-ын Мөрдөн шалгах хэлтсээс Эрүүл мэндийн даатгалын ерөнхий газрын дарга нартай холбоотой хэргийг шалгаж байгаа.

 ЭМДЕГ-ын дарга асан  Ч.Алтанхуяг эрх мэдэл албан тушаалаа урвуулан ашиглаж, Эрүүл мэндийн даатгалын сангийн чөлөөт үлдэгдлийг арилжааны банканд байршуулахдаа хүүгийн орлогыг хувьдаа завшсан хэрэгт шалгагдаж, шүүхээс гэм буруутайд тооцсон байдаг.

Тэгвэл дээрх хэрэгт ХААН банк холбоотой хэмээн үзэж, АТГ-аас нэр бүхий хүмүүсийг өнгөрсөн долоо хоногоос шалгаж эхэлсэн байна. Тодруулбал, ХААН банкны  гүйцэтгэх захирлууд болон тус банкны томоохон хувьцаа эзэмшигчдийн нэг болох “Таванбогд” группийн Ерөнхийлөгчийн Ц.Баатарсайханыг шалгаж байгаа гэнэ. Тэрбээр бусадтай хамтран 20 гаруй тэрбум төгрөгийг тус банкны дансанд байршуулсан гэнэ. Ингэхдээ 18 хоногийн хугацаа хэтрүүлэн алдагдал албаар бий болгосон, алдагдалд зориулж 1.8 тэрбум төгрөгийг хуурамч гэрээ хийн завшсан байж болзошгүй байгаа аж.

Ц.Баатарсайхан нь ХААН банкны хувьцаа эзэмшигч төдийгүй  ТУЗ-ийн дэргэдэх Эрсдэлийн удирдлагын хорооны гишүүн юм байна. АТГ-аас Эрүүл мэндийн даатгалын сангаас 1.8 тэрбум төгрөг завшсан хэрэгтэй холбоотойгоор Ц.Баатарсайханы өрөөнд  өнгөрсөн долоо хоногт нэгжлэг хийсэн байна. Нэгжлэгээр ноцтой олон баримт гарч ирсэн гэх мэдээллийг албаны эх сурвалж өгч байлаа. 

ҮНДЭСНИЙ ШУУДАН СОНИН

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой. tsag.mn