2013 он 8-р сарын 17 Бямба,
Онгироо.МН
Эхлэл » Нийгэм » ХОЁР ДҮҮРГИЙН НАМЫН ХОРООД ХАМТЫН АЖИЛЛАГААГАА ӨРГӨЖҮҮЛЭХЭД НЭГ АЛХАМ НЭМЛЭЭ

ХОЁР ДҮҮРГИЙН НАМЫН ХОРООД ХАМТЫН АЖИЛЛАГААГАА ӨРГӨЖҮҮЛЭХЭД НЭГ АЛХАМ НЭМЛЭЭ

Нийтлэлийн төрөл: Нийгэм, Онцлох мэдээ, Сонгууль

2019 оны 12 дугаар сарын 16-наас 20-ны өдрүүдэд Баянзүрх дүүргийн Монгол Ардын Намын хорооны дарга, Нийслэлийн ИТХ-ын Төлөөлөгч Э.Бат-Амгалангаар ахлуулсан намын анхан шатны байгууллагын 39 төлөөлөл Тяньжин хотын Нанкай дүүрэгт хамтын ажиллагааны ажлын айлчлал хийлээ.

Дээрх хамтын ажиллагааны ажлын айлчлалын учир нь Улаанбаатар хотын хамгийн олон хүн амтай Баянзүрх дүүргийн Монгол Ардын Намын хороо нь БНХАУ-ын хойд Хятадын хамгийн том далайн боомтыг түшиглэсэн эдийн засгийн нээлттэй хот болох Тяньжин хотын Нанкай дүүргийн Хятадын Коммунист намтай хамтран ажиллах нээлттэй санамж бичиг байгуулахаар болж нэг жилийн өмнө ажлаа эхлүүлж байж ээ.

Энэ оны 7 дугаар сард Нанкай дүүргийн Хятадын коммунист намын дарга Ян Бин-ээр ахлуулсан намын анхан шатны байгууллагуудын төлөөллүүд Монгол улсад айлчилж Баянзүрх дүүргийн Монгол Ардын Намын хороотой хамтран ажиллах санамж бичгээ бататгасан байна. 

Тус санамж бичгийн хүрээнд намын анхан шатны байгууллагуудын үйл ажиллагааны туршлага солилцох, хоёр дүүргийн эдийн засаг, худалдааны замыг нээж экспо зохион байгуулах, Дэлхийн шилдэг сургуулиудын эгнээнд багтдаг Нанкай их, дунд сургуулиудад оюутан, сурагчдыг тэтгэлэгээр суралцуулах. нарийн мэргэжлийн мэргэшсэн боловсон хүчин бэлтгэхэд зориулан Баянзүрх дүүрэгт Мэргэжил, сургалт үйлдвэрлэлийн төв байгуулах, Баянзүрх дүүргийн хог хаягдлыг багасгах, түүнийг боловсруулах, дахин ашиглах гэх мэт олон чиглэлээр хамтран ажиллах юм.

      Энэ удаагийн хамтын ажиллагааны ажлын айлчлалаар Нанкай дүүргийн НАШБ-уудын үйл ажиллагаатай танилцсаны зэрэгцээ, хог хаягдлыг дахин боловсруулах, цахилгаан эрчим хүч үйлдвэрлэх, боловсруулсан түүхий эдийг авто зам болон бусад бүтээн байгуулалтад яаж ашиглаж буй талаар “TEDA” компаний үйл ажиллагаатай өргөн хүрээнд танилцлаа.

Тус хамтын ажиллагааны айлчлалын хүрээнд Баянзүрх дүүргийн намын хорооны дарга Э.Бат-Амгалан, Нанкай дүүргийн Хятадын коммунист намын дарга Ян Бин болон бусад албаны хүмүүс оролцсон албан ёсны уулзалтаар 2020 онд хийж хэрэгжүүлэх нэн тэргүүний ажлуудаа тодорхойллоо.

Хоёр дүүргийн хамтын ажиллагаа хурдацтай, үр дүнтэй явагдах нь ийнхүү тодорхой болж байна.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.