2013 он 8-р сарын 17 Бямба,
Онгироо.МН
Эхлэл » Эрүүл мэнд » Такеши Касай нийгмийн эрүүл мэндийн үндэсний төвд дурсгалын мод суулгалаа

Такеши Касай нийгмийн эрүүл мэндийн үндэсний төвд дурсгалын мод суулгалаа

Нийтлэлийн төрөл: Эрүүл мэнд, Нийгэм, Twitter

ДЭМБ-ын Номхон далайн баруун бүсийн захирал Такеши Касай Монгол Улсад хийж буй албанайлчлалынхаа хүрээнд өнөөдөр Нийгмийн эрүүл мэндийн үндэсний төвийн үйл ажиллагаатай танилцлаа.

Нийгмийн эрүүл мэндийн үндэсний төвийн хамт олон Бүсийн захирал Такеши Касайг хүндэтгэн хүлээн авсны дараа тус төвийн Ерөнхий захирал Д.Нарантуяа Монгол Улсын төрөөс нийгмийн эрүүл мэндийн талаар баримтлах бодлого, хэрэгжилт, нийгмийн эрүүл мэндийн тусламж үйлчилгээний талаар танилцуулах илтгэл тавилаа. 

Бүсийн захирал Такеши Касай Нийгмийн эрүүл мэндийн үндэсний төвийн хамт олонд хандан мэндчилж, хөтөлбөрийн дагуу Шуурхай удирдлагын нэгж, Полимиелитын лабораторийн үйл ажиллагаатай газар дээр нь танилцав.

Мөн тэрээр монгол ахуйн нөхцөлд сайжруулсан зуухны ашиглалт, ДЭМБ-ын зөв хооллолтын зөвлөмжийг үндэсний онцлогт тулгуурлан “Гэр” зөвлөмж болгон боловсруулсан нь үр дүн өгч байгааг тусгайлан барьсан монгол гэрт бодитоор нь харлаа.

Нийгмийн эрүүл мэндийн үндэсний төвийн Орчны эрүүл мэндийн албанаас явуулж буй үйл ажиллагаа нь өнөөдөр хүн төрөлхтний өмнө хурцаар тулгамдаад байгаа цөлжилийг бууруулж, эко орчин бүрдүүлэхэд чухал хувь нэмэртэй болохыг бэлэгдэн Такеши Касай тус төвийн ногоон төгөлд дурсгалын мод суулгаж үлдээлээ.     

Даяаршиж буй ертөнцөд хүн амын эрүүл мэндийн асуудал нэг орны хүрээнээс хальж улам бүр дэлхий нийтийн шинж чанартай болж байгаа энэ цаг үед улс орнууд нийгмийн эрүүл мэндийн тусламж үйлчилгээг илүү өндөр түвшинд хөгжүүлэх шаардлагатай нүүр тулсаар байна. ТиймээсДЭМБ-ын Номхон далайн баруун бүсийн захирал айлчлалынхаа хөтөлбөрт Нийгмийн эрүүл мэндийн үндэсний төвийн үйл ажиллагааг онцлон, ач холбогдол өгч ийнхүү зочиллоо.   

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.