2013 он 8-р сарын 17 Бямба,
Онгироо.МН
Эхлэл » Засгийн газар » У.Хүрэлсүх: Миний сэтгэл дотор иргэдээ орон сууцжуулах чин хүсэл байсаар байгаа

У.Хүрэлсүх: Миний сэтгэл дотор иргэдээ орон сууцжуулах чин хүсэл байсаар байгаа

Нийтлэлийн төрөл: Засгийн газар, Нийгэм

У.Хүрэлсүх: Миний сэтгэл дотор иргэдээ орон сууцжуулах чин хүсэл байсаар байгаа

Түүхий нүүрсийг ахуйн хэрэглээний зориулалтаар нийслэл хот руу оруулахыг хориглосон Засгийн газрын шийдвэр өнөөдрөөс хэрэгжиж эхэлсэнтэй холбоотойгоор Монгол Улсын Ерөнхий Сайд У.Хүрэлсүх байр сууриа илэрхийлжээ.
 
Ард иргэдээ!
 
Та бүхнээсээ аминчлан хүсэх нэг зүйл байнаа. Өнөөдөр маш чухал өдөр.
Бид дэлхийн хамгийн аюултай хотоор цоллуулж, өвчин зовлонд шаналсан иргэд эмнэлэгт багтахгүй болж, үр хүүхдүүдийнхээ эрүүл мэнд, амь насаар төлөөс төлсөөр ирлээ. Энэ бол олон жил шийдэж чадалгүй явж ирсэн та бидний дундын зовлон болох утааны асуудал юм.
Онц ноцтой энэ гамшгийг бид зүгээр хараад сууж болохгүй гэж шийдсэнийг та бүхэн мэдэж байгаа. Тийм ч учраас Улаанбаатарт түүхий нүүрсийг ахуйн зориулалтаар оруулах, хэрэглэх, худалдаалахыг хориглосон Засгийн газрын тогтоол 2019.05.15 буюу өнөөдрөөс хэрэгжиж эхэлж байна.
 
Эрсдэлийг Засгийн газар өөрөө үүрээд гарах ёстой гэж үзэн, амласан ёсоор сайжруулсан түлшний улсын үйлдвэрээ барьж, бүтээгдэхүүнээ бэлэн болголоо. Одоо ард иргэдтэйгээ хамтран "Дуугарвал дуу нэг, дугтарвал хүч нэг" тэмцэх цаг ирлээ.
 
Миний сэтгэл дотор иргэдээ орон сууцжуулж, байранд амьдруулах чин хүсэл эрмэлзэл байсаар байгаа. Энэ ажил үе шаттай уртын хугацаандаа хэрэгжих болно. Тэр болтол 1,5 сая хүний эрүүл мэнд, амь насаар дэнчин тавьж хүлээж суух эрх та бидэнд байхгүй ээ.
Дэлхийн олон хотууд та бидний өнөөдрийн зовлонг тойрч гараагүй, даваад гарсан түүхтэй. Тэдгээрийн амжилтын гол үндэс нь ард иргэдийн оролцоо, хариуцлагатай байдалтай нь шууд холбоотой байна.
Бид ч энэ гамшгийг хамтдаа даваад гарч чадна гэж би итгэж байна.
 
Хүндэтгэсэн:
Монгол Улсын Ерөнхий Сайд Ухнаагийн Хүрэлсүх
АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.