2013 он 8-р сарын 17 Бямба,
Онгироо.МН
Эхлэл » Нийгэм » Х.БАДЕЛХАН: БХБЯ 100 МЯНГАН АЙЛЫН ОРОН СУУЦНЫ ХӨТӨЛБӨРИЙГ ХЭРЭГЖҮҮЛНЭ

Х.БАДЕЛХАН: БХБЯ 100 МЯНГАН АЙЛЫН ОРОН СУУЦНЫ ХӨТӨЛБӨРИЙГ ХЭРЭГЖҮҮЛНЭ

Нийтлэлийн төрөл: Нийгэм, Онцлох мэдээ

Барилга, хот байгуулалтын сайд Х.Баделхан, дэд сайд Б.Мөнхбаатар тэргүүтэй төлөөлөл Нийслэлийн Засаг дарга бөгөөд Улаанбаатар хотын Захирагч С.Амарсайхан болон холбогдох нийслэлийн төр захиргааны байгууллагын удирдлагуудтай ажил хэргийн уулзалт өрнүүллээ. 

Барилга, хот байгуулалтын яам иргэдийг хямд өртөгтэй, чанартай орон сууцаар хангах, орон сууцны нийлүүлэлтийг нэмэгдүүлэх тал дээр анхаарч, ажиллаж буй бөгөөд Ерөнхий сайд, Засгийн газраас өгсөн үүрэг, чиглэлийн дагуу 100 мянган айлын орон сууц барихаар төлөвлөж байна. Энэ хүрээнд Төр, захиргааны байгууллагууд нягт хамтран ажиллах нь чухал байгааг уулзалтын үеэр талууд онцоллоо.  

Улаанбаатар хотыг 2040 он хүртэл хөгжүүлэх ерөнхий төлөвлөгөөнд нийцүүлэн 100 мянган айлын орон сууцны хөтөлбөрийг уялдуулж хэрэгжүүлэх, чөлөөлөгдсөн газраа ашиглах, цаашлаад нөхөн төлбөр олгож иргэдээс газрыг авах, хотоос зайдуу газруудад байгальд ээлтэй дэд бүтцийг нь бий болгож орон сууц барих зэрэг олон хувилбарыг хэрэгжүүлэх боломжтой талаар санал солилцов. 

Барилга хот байгуулалтын сайд Х.Баделхан “Манай яам, хотын захиргаатай хамтран 100 мянган айлын орон сууцны хөтөлбөрийг эрчимжүүлэн, зарим холбогдох асуудлыг Засгийн газрын түвшинд хэлэлцэн шийдвэрлүүлэн ажиллах нь зүйтэй” гэдгийг хэллээ. 

Ингээд БХБЯ болон Улаанбаатар хотын захиргааг хамарсан өргөн хүрээнд ажиллах ажлын хэсэг байгуулж, ажлын хэсгийг Барилга, хот байгуулалтын дэд сайд Б.Мөнхбаатар ахлахаар боллоо.

Түрээсийн орон сууцны санг нэмэгдүүлэх хүрээнд баригдаж буй “Буянт-Ухаа” 2 хорооллын хоёрдугаар ээлжийн 972 айлын орон сууцны бүтээн байгуулалтын ажил дуусаж байна. Ирэх долоо хоногт Засгийн газрын хуралдаанаар оруулан эцэслэн шийдвэрлэхээр тохиролцлоо. 

Мөн хоёр талын уулзалтаар Улаанбаатар хотын цэвэрлэх байгууламж болон “Харгиа” цэвэрлэх байгууламж, Эмээлтийн үйлдвэрлэл, технологийн парк байгуулах ажлыг эрчимжүүлэх талаар санал солилцсон юм. 

Улаанбаатар хотын шинэ цэвэрлэх байгууламж барих ажил урагштай явж буй бөгөөд компаниа сонгож, гэрээгээ байгуулаад байна. Энэ нь урт хугацааны асуудал бөгөөд шинэ цэвэрлэх байгууламж ашиглалтад орох хүртэлх хугацаанд  олон жил хуримтлагдсан лагийг үнэргүйжүүлэх, усгүйжүүлэх арга хэмжээ авч байгааг сайд Х.Баделхан мэдээллээ. 

Харгиа цэвэрлэх байгууламжийг нүүлгэн шилжүүлж, Эмээлтийн үйлдвэрлэл, технологийн парк байгуулахаар төлөвлөсөн ч Эмээлтэд хэзээ цэвэрлэх байгууламж барих, баригдаж ашиглалтад орох хүртэл “Харгиа” цэвэрлэх байгууламжийг хэрхэн ажиллуулах зэрэг шийдэл эрсэн олон асуудлаар ярилцаад ойрын хугацаанд зарим асуудлыг шийдэж, ажлыг эрчимжүүлэхээр боллоо. 

БАРИЛГА, ХОТ БАЙГУУЛАЛТЫН ЯАМ

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.