2013 он 8-р сарын 17 Бямба,
Онгироо.МН
Эхлэл » Эдийн засаг » Үхрийн цул махны үнэ тогтворжиж, хонины махны үнэ өсчээ

Үхрийн цул махны үнэ тогтворжиж, хонины махны үнэ өсчээ

Нийтлэлийн төрөл: Эдийн засаг, Нийгэм

Нийслэлийн статистикийн газраас өнгөрсөн долоо хоногийн өргөн хэрэглээний бараа бүтээгдэхүүний үнийг танилцууллаа. Судалгаагаар, үхрийн цул махны үнэ тогтворжиж, хонины махны үнэ бага зэрэг өссөн үзүүлэлттэй гарчээ.

МАХНЫ ДУНДАЖ ҮНЭ

Энэ сарын IV долоо хоногт хонины ястай мах нэг килограмм нь дунджаар 8775 төгрөг, үхрийн ястай мах нэг килограмм нь дунджаар 9621 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 21 төгрөгөөр буурч, харин үхрийн цул махны үнэ тогтворжжээ.

Үхрийн мах “Хархорин” хүнсний захад хамгийн хямд буюу 8500 төгрөг, харин “Меркури” хүнсний захад хамгийн өндөр үнэтэй буюу 10000 төгрөг байна. Өмнөх долоо хоногтой харьцуулахад хонины ястай махны үнэ 31 төгрөгөөр хонины цул махны үнэ 76 төгрөгөөр өсчээ. Хонины мах “Хархорин” хүнсний захад хамгийн хямд буюу 8000 төгрөгөөр, харин “Меркури” хүнсний захад хамгийн өндөр үнэтэй буюу 9500 төгрөгөөр худалдаалж байна.

ГУРИЛЫН ҮНЭ

Нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1300-1500 төгрөг, 1-р зэргийнх 1000-1200 төгрөг, 2-р зэргийнх 800-1000 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1300-1400 төгрөгийн үнэ ханштай байна.

Харин “Барс” хүнсний захад дээд зэргийн “Алтан тариа” гурил 1250 төгрөг, 1-р зэргийн гурил 950 төгрөгөөр тус тус зарагдаж байна. “Атар” талх хүнсний зах, дэлгүүрт 1200-1320 төгрөгийн үнэтэй байна. “Баянзүрх”, “Бөмбөгөр”, “Барс”, “Хархорин” хүнсний захуудад “Атар” талхыг хамгийн хямд буюу 1200 төгрөгөөр, харин “Сансар” супермаркетад хамгийн өндөр үнээр буюу 1320 төгрөгөөр худалдаалж буй юм.

ХҮНСНИЙ НОГООНЫ ҮНЭ

Өмнөх долоо хоногтой харьцуулахад хүрэн манжин 4.2 хувиар өсөж, 1854 төгрөгөөр худалдаалагдаж байна. Харин бусад хүнсний ногооны үнэ тогтвортой байлаа.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.