2013 он 8-р сарын 17 Бямба,
Онгироо.МН
Эхлэл » Спорт » "СҮЛД" СПОРТЫН ХОРООНЫ ТАМИРЧИД АЗИЙН АВАРГАД ИЛҮҮРХЛЭЭ

"СҮЛД" СПОРТЫН ХОРООНЫ ТАМИРЧИД АЗИЙН АВАРГАД ИЛҮҮРХЛЭЭ

Нийтлэлийн төрөл: Спорт, Нийгэм, Twitter

Манай жудогийн тамирчид олон улсын дэвжээнд сүүлийн жилүүдэд золбоо, хийморьтой зодоглож, амжилт арвинтай байгаа билээ. Өдгөө Арабын нэгдсэн Эмират улсын Фужирах хотод болж буй Ази, Номхон далайн бүсийн аварга шалгаруулах тэмцээнд амжилттай оролцож байна. Энэ тэмцээнд Монголоос эрэгтэй 9, эмэгтэй 8 жудочин уран мэх, хүчийг үзэн нийтдээ 13 жинд барилдаж буй ажээ.

Тэмцээний эхний өдөр нэг мөнгө, гурван хүрэл медаль хүртлээ. Мөн дараагийн өдрийн барилдаанд хоёр алт, нэг мөнгө медалийн эзэд болцгоов.

Эмэгтэйчүүдийн -63  кг-ын жинд Б.Ганхайч мөнгөн медаль, эрэгтэйчүүдийн -73 кг-ын жинд Ц.Цогтбаатар БНСУ-ын тамирчин Ан Чан Римыг цэвэр ялж Ази, Номхон далайн бүсийн аварга боллоо.

Түүнчлэн 81 кг-ын жинд О.Ууганбаатар Узбекстаны тамирчин Ш.Болтабоевыг ялж аваргын алтан медалийг хүртсэн байна. Мөн Л.Отгонбаатар финалд БНСУ-ын бөх Вон Жон Хүнтэй барилдан ялсанаар аваргын алтан медалийн эзэн боллоо.

Манай залуу жудочид ийнхүү олон улсын дэвжээг эзэгнэн, амжилтын эзэд болцгоож байна. Тэдний  амжилтыг ШШГЕГ-ын Тэргүүн дэд даргаар ажиллаж байгаад саяхан тус газрын даргын албан тушаалд томилогдсон Д.Дамдинцэрэн, "Сүлд" биеийн тамир спортын хорооны дарга А.Давааням нартай холбож үзэх хүн цөөнгүй. Яагаад гэхээр, тэрбээр жудочдын дасгал сургуульд сүүлийн жилүүдэд нэлээд анхаарч, байнгын дэмжлэг туслалцаа үзүүлж иржээ.

 

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.