2013 он 8-р сарын 17 Бямба,
Онгироо.МН
Эхлэл » Twitter » ОЛОН УЛСЫН АВТОТЭЭВРИЙН ҮЙЛ АЖИЛЛАГАА ӨРГӨЖИЖ БАЙНА

ОЛОН УЛСЫН АВТОТЭЭВРИЙН ҮЙЛ АЖИЛЛАГАА ӨРГӨЖИЖ БАЙНА

Нийтлэлийн төрөл: Twitter

-Европын гол түнш улсуудтай Автотээврийн харилцааны тухай Засгийн газар хоорондын хэлэлцээр байгуулах ажил хэрэгжиж байна-

НҮБ-ын Европын эдийн засгийн комиссоос “Тээвэр дэх автоматжуулалт” сэдэвт олон улсын дээд түвшний хуралдааныг Швейцарын Холбооны Улсын Женев хотноо энэ сарын 19-22-ны өдрүүдэд зохион байгуулж байна. Энэхүү хуралдаанд Монгол Улсаас Зам, тээврийн хөгжлийн яамны Төрийн нарийн бичгийн дарга С.Батболд, Автотээврийн үндэсний төв ТӨҮГ-ын захирал П.Дэлгэрнаран тэргүүтэй албаныхан урилгаар оролцож, Газрын тээврийн хорооны гишүүн орны хувьд бодлогын түвшинд цаашдын хамтын ажиллагааг өргөжүүлэх, идэвхитэй хамтран ажиллах чиглэлээр санал солилцож байна.

Тус хуралдаанаар тээвэр дэх автоматжуулалтын шинэ дэвшилтэт техник, технологийг танилцуулах сэдэвчилсэн үзэсгэлэн зохион байгуулагдаж буй бөгөөд бодлогын хэлэлцүүлгийн төгсгөлд төлөөлөгчдийн тэргүүн нар “Тээврийн автоматжуулалтын эринд хамтын ажиллагаа, уялдаа холбоо, интеграчлалыг сайжруулах нь” сэдэвт сайд нарын тунхаглалыг баталлаа. Мөн дэлхийн хэмжээний томоохон асуудлууд, Газрын тээврийн хорооны 2030 хүртэлх стратеги, Газрын тээврийн хорооны гишүүн болон Европын эдийн засгийн комиссийн гишүүн бус орнуудыг үйл ажиллагаандаа идэвхитэй оролцуулах зорилго дор хуралдаж байгаа аж. Энэхүү хуралдаанаар “Хөдөлгөөний аюулгүй байдлын сан” байгуулагдсаныг зарлаж, тус сангаас зам, тээврийн ослыг бууруулахад чиглэсэн төсөл хөтөлбөр хэрэгжүүлэхэд зориулахаар болжээ.

Хуралдааны үеэр ЗТХЯ-ны Төрийн нарийн бичгийн дарга С.Батболд тэргүүтэй төлөөлөгчид НҮБ-ын Европын эдийн засгийн комиссын Тогтвортой тээврийн хэлтсийн дарга Ли Ювэйтэй уулзаж, "Үндэсний тээврийн сүлжээг олон улсын тээврийн сүлжээнд нэгтгэх гарц" төсөл хэрэгжүүлэх хүрээнд НҮБ-аас гаргасан тээврийн хэд хэдэн гэрээ конвенцод нэгдэн орох чиглэлээр хамтран ажиллах хүсэлтэй байгаагаа илэрхийлэв. Цаашид НҮБ-ын Замын аюулгүй байдлын сан байгуулах, автоматжуулалт, ухаалаг тээврийн системийн дижиталчлал, тээврийн цахим бичиг баримт, аюултай ачаа тээвэр, хил нэвтрүүлэх үйл ажиллагаа зэрэг асуудлуудын талаар харилцан ярилцаж, хамтран ажиллахаар боллоо.

Мөн Олон улсын автотээвэрчдийн холбоо /IRU/-ны Ерөнхий нарийн бичгийн дарга  Умберто Де Преттотой уулзаж, хамтран төсөл хөтөлбөр хэрэгжүүлэхээр энэ оны 9-р сард Монголд айлчлахаар тохиролцсон байна. Уулзалтаар Монгол Улсын Засгийн газраас авто тээврийн салбарт анхаарч олон улсын автотээврийн үйл ажиллагааг өргөжүүлэх, Ази Европыг холбосон транзит тээврийг өөрийн нутгаар саадгүй нэвтрүүлэх, монголын тээвэрлэгчдийг энэхүү үйл ажиллагаанд идэвхитэй оролцох боломж бололцоог нэмэгдүүлэх, төрийн зохицуулалтыг сайжруулах, боловсон хүчнийг чадавхижуулах чиглэлээр ажиллаж байгааг Төрийн нарийн бичгийн дарга С.Батболд танилцууллаа. Олон улсын автотээвэрчдийн холбооноос эдгээр ажлуудыг хийж хэрэгжүүлэх, хүний нөөцийг бэхжүүлэх, чадавхижуулах, олон улсын гэрээ конвенциудад нэгдэхэд дэмжлэг үзүүлж, хамтран ажиллахаа илэрхийллээ. Статистик үзүүлэлтээс харахад жилд дундажаар 1000 гаруй ТИР тээвэрлэлт манай улс руу хийгддэг судалгаа бий. Гэвч үүнд Монгол тээвэрлэгчийн эзлэх тоо маш бага буюу дундажаар 50-60 байдаг аж. Иймд дийлэнх тээвэрлэлт хийгдэж байгаа зарим улстай хоёр талын Засгийн газар хоорондын хэлэлцээрийг байгуулж, өөрсдийн тээвэрлэгчдийг саадгүй гүйцэтгүүлэх нөхцлөөр хангахад ЗТХЯ-аас анхаарч байгаа юм байна.

Монгол Улсын Засгийн газрын 2016-2020 оны үйл ажиллагааны мөрийн хөтөлбөрт тээврийн салбарын олон улсын хамтын ажиллагааг хөгжүүлж, дамжин өнгөрөх тээврийг хөгжүүлэх тухай зорилтын хүрээнд өнгөрсөн оны 06 дугаар сард ХБНГУ, Польш, Унгар, Словак  зэрэг улсуудтай олон улсын автотээврийн харилцааны тухай Засгийн газар хоорондын хэлэлцээрийн төслийг эцэслэн тохирч, үзэглэсэн юм. Энэ хүрээнд Унгар Улстай өнгөрсөн оны сүүлээр хэлэлцээрт талууд гарын үсэг зурснаар баталгаажсан байдаг.

Тэгвэл энэхүү “Тээвэр дэх автоматжуулалт” сэдэвт олон улсын дээд түвшний хуралдааны үеэр Монголын талын төлөөлөгчид БНПольш Улсын тээврийн яамны төлөөлөлтэй уулзаж, Засгийн газар хоорондын автотээврийн хэлэлцээр байгуулах ажлаа шуурхайлж, 2019 онд багтаан хэлэлцээр байгуулахаар тохиролцсон байна. Энэхүү баримт бичиг байгуулагдсанаар хоёр орны авто тээвэрлэгч аж ахуйн нэгжүүдэд харилцан тээврийн зөвшөөрөл олгох боломж нээгдэж, авто тээврийн зах зээл дэх өрсөлдөөн нэмэгдэх бөгөөд үнэ, ханшийн түвшинд эерэгээр нөлөөлөх боломж нэмэгдэх ач холбогдолтой юм.

 

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.