2013 он 8-р сарын 17 Бямба,
Онгироо.МН
Эхлэл » Байгаль орчин » “ХҮН ХУДАЛДААЛАХ ГЭМТ ХЭРГИЙН ХОР УРШИГ, ТҮҮНЭЭС УРЬДЧИЛАН СЭРГИЙЛЭХ” сэдэвт сургалт явагдлаа

“ХҮН ХУДАЛДААЛАХ ГЭМТ ХЭРГИЙН ХОР УРШИГ, ТҮҮНЭЭС УРЬДЧИЛАН СЭРГИЙЛЭХ” сэдэвт сургалт явагдлаа

Нийтлэлийн төрөл: Байгаль орчин

 Хүн худалдаалахтай тэмцэх үндэсний хөтөлбөрийн хүрээнд Хүн худалдаалах гэмт хэргийн хор уршиг, түүнээс урьдчилан сэргийлэх чиглэлээр эмч, эмнэлгийн ажилчдын мэдлэгийг нэмэгдүүлэх зорилгоор Цагдаагийн Ерөнхий Газрын Эрүүгийн Цагдаагийн албаны Зохион байгуулалттай гэмт хэрэгтэй тэмцэх хэлтсийн Эрүүгийн ахлах мөрдөгч, Цагдаагийн хошууч Ж.Төмөрбат ГССҮТөвийн хүсэлтээр сургалт хийлээ.

      Хүн худалдаалах гэмт хэрэг нь ямагт зохион байгуулалттай төдийгүй олон улсыг хамарсан шинжийг өөртөө агуулдаг. Энэ утгаараа хүн худалдаалах гэмт хэрэг нь үндэстэн дамнасан зохион байгуулалттай гэмт хэргийн нэг бие даасан төрөл гэж хүлээн зөвшөөрөгддөг. “ХҮН ХУДАЛДААЛАХ” гэж хүнийг биеийг нь үнэлүүлэх, бусад хэлбэрээр бэлгийн мөлжлөг, хүчирхийлэлд оруулах, боолчлох, түүнтэй ижил төстэй нөхцөлд байлгах, хууль бусаар албадан хөдөлмөрлүүлэх, эд эрхтнийг нь авч ашиглах зорилгоор  хүч хэрэглэх, хүч хэрэглэхээр заналхийлэх, хулгайлах, залилах, хууран мэхлэх, эрх мэдлээ урвуулан ашиглах, эмзэг байдлыг нь далимдуулах, түүнчлэн өөр хүнийг хяналтдаа байлгаж байгаа этгээдийн зөвшөөрлийг авахын тулд төлбөр төлөх, хахуульдах аргаар хүнийг элсүүлсэн, тээвэрлэсэн, нуун далдалсан, дамжуулсан, хүлээн авсан хууль бус үйлдлийг хэлнэ.

              Нийгмийн хувьсал өөрчлөлт, эдийн засгийн хямрал, ажилгүйдэл, ядуурал, боловсролын тогтолцооны үр нөлөө зэрэг олон хүчин зүйлүүд энэ төрлийн гэмт хэрэг үйлдэгдэх суурь шалтгаан, нөхцөл болж байна.

              Шүүхээр шийдвэрлэгдсэн болон илрүүлэн шалгаж байгаа эрүүгийн хэргүүдээс үзэхэд гэмт этгээдүүд нь ихэвчлэн эцэг эхийн хараа хяналт сул, сургууль завсардсан, гэр бүлийн хүчирхийлэлд өртөж орон гэрээсээ дайжсан эхсүл дээд боловсролтой ч мэргэжлийн ажлын хөлсөө голох, улмаар гадаадад гарч их хэмжээний цалин авах сонирхолдоо хөтлөгдсөн хүмүүсийг сонгодог болох нь ажиглагдсан.

              Сүүлийн жилүүдэд хүн худалдаалах гэмт хэрэг нь мансууруулах, сэтгэцэд нөлөөлөх бодисын хууль бус наймааны эргэлт, цахим гэмт хэрэг болон бусад төрлийн гэмт хэргүүдтэй хослон үйлдэгдэх болсон нь улс орны хувьд их хэмжээний хохирол учруулах гэмт хэргийн тоонд зүй ёсоор багтаж байна.

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.