2013 он 8-р сарын 17 Бямба,
Онгироо.МН
Эхлэл » Дэлхий дахинд » Холбооны сонгуулийн урьдчилсан дүнгээр Ангела Меркел яллаа

Холбооны сонгуулийн урьдчилсан дүнгээр Ангела Меркел яллаа

Нийтлэлийн төрөл: Дэлхий дахинд, Сонгууль

Германы цагаар ням гаригт 08.00 цагт эхэлсэн Холбооны сонгуулийн урьдчилсан дүнгээр Ангела Меркелийн тэргүүлдэг Христийн ардчилсан нам ялалт байгуулсан нь тодорхой болжээ. Эхний тооллогоор христийн ардчилсан нам 45,1 хувийн санал авсан бол гол өрсөлдөгч гэгдэж байсан Пер Штайнбрукийн тэргүүлдэг Социаль демократ нам 26 хувийн санал авчээ. Үлдсэн саналыг гуравдагч хүчнүүд хуваан авсан байна. Энэ жил чөлөөт демократ намынхныг дээгүүр давхина гэж таамаглаж байсан ч 4,8 хувийн л санал авсан байна. Гэхдээ өнгөрөгч сонгуультай харьцуулахад нэг хувиар нэмэгдсэн байна. “Энэ бол бүх Германы ялалт байлаа. Цаашид Герман улс, Европын холбоог томоохон шалгуурууд хүлээж байгаа. Үүнийг бид зөв бодлогын дүнд давж гарах болно. Одоо нэн тэргүүний асуудал бол 2017 он хүртэлх Германы нийгэм, эдийн засгийн төлөвлөгөө. Оноос өмнө бид үүнийг дуусгана” гэж Ангела Меркел ярьжээ. Пер Штайнбрукийн хувьд түүнд ялалт байгуулсанд баяр хүргэж, цахилгаан илгээсэн байна.

 

Одоогийн байдлаар холбооны сонгуульд Ангела Меркел ялсан ч Бундестагт тийм ч олон суудалтай болохгүй гэж ажиглагчид таамаглаж байгаа билээ. 1990 оноос хойш буюу хоёр Герман эргэн нэгдсэнээс хойш хэн ч Меркель шиг гурван сонгууль дараалан ялалт байгуулж байгаагүй юм. Хэдийгээр Хелмут Кёль 10 илүү жил Германыг удирдсан ч ихэнх хугацаа нь эргэн нэгдэхээс өмнөх үед хамаардаг тул Меркелийг эргэн нэгдсэнээс хойшхи хамгийн хүчтэй удирдагч гэж өргөмжилж болох юм.

Unen.mn

АНХААРУУЛГА: Уншигчдын бичсэн сэтгэгдэлд Tsag.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг,хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэмхэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 96551185 утсаар хүлээн авна

Анхааруулга

Comment on the news site is possible only within (days) days from the date of publication.
Эхлэл Twitter Чөлөөт цаг Шуугианы эзэн Фото мэдээ УИХ Засгийн газар Ярилцлага Эдийн засаг Соёл урлаг Спорт Байгаль орчин Сонгууль Авилга Улс төрч
Зохиогчийн эрх хуулиар хамгаалагдсан. Мэдээлэл хуулбарлах хориотой.